Polonia: Documentario di pastoornan pedofiel

Un documentario nobo a bin dilanti cu mas caso di pastoor cu ta abusa di mucha, conmoviendo e pais, un di e sociedadnan mas catolico di Europa, provocando un disculpa di e herarkia eclesiastico, y forsando un sacerdote pa bandona su cargo.

E pelicula ‘No Bisa Ningun Hende’ a wordo estrena den fin di siman riba YouTube cu mas di 8 miyon di bista. Despues di wordo estrena, e premier di Polonia a duna palabra di gradicimento na a creador di e pelicula documentario, Tomasz y Marek Sekielski, pa nan balentia.

“Mi ta pidi dispensa pa herida aki di e hendenan di iglesia”, Obispo Wojciech Polak a bisa den nomber di iglesia y di e papa Francisco. E pelicula ta mustra evidencia nobo di pedofiel conoci. E ta pelicula ta habri cu Anna Misiewicz, 39, kende a bay confronta un pastoor cu abusa di dje ora e tabatin 7 aña.

Den e pelicula, ta mustra con Misiewicz ainda ta sufri di e abuso sexual. E pastoor ta admiti su fout y ta culpa diabel. “Mi sa cu mi no mester a haci e, ni mishi cu bo of sunchi bo. Un pasion estupido”, e pastoor ta bis’e.

E pelicula tambe ta mustra Dariusz Olejniczak, un pastoor cu ta sentencia pa abusa di muchanan di 7 aña, kende toch a ser permiti pa sigui traha cu mucha hoben. Riba diadomingo el a retira di su cargo como pastoor.

Politiconan tambe a reacciona pa e pelicula, primintiendo castigonan mas fuerte pa abuso di mucha. Lider di partido conservador, Jaroslaw Kacyznki, a priminti cu castigo di abuso sexual lo ta pa 30 aña.

Mayoria di Polaco ta identifica como Catolico y ta fuertemente pega cu e iglesia. Nan ta gradici iglesia catolico pa mantene e lenguahe y cultura di nan pais bibo durante mas di un siglo di ocupacion stranhero.

Pero manera hopi otro pais, Polonia mester a enfrenta revelacionnan recien di clergo cu a abusa di mucha. Na maart, autoridadnan di iglesia Polaco a bisa cu nan a registra caso di 382 clergo cu a abusa di 625 victima bou edad di 18 aña desde 1990.

 

You May Also Like

Cambio di clima ta hibando mas virus tropical pa Europa

Enfermedadnan cuasa pa virusnan cu normalmente ta bin di areanan tropico, ta ser mira ...

Pentagon ta adverti guera cu N. Korea

Un oficial na Pentagon a adverti di consecuencianan catastrofico di un guera cu Norte ...

Alemania: Enfermero a mata mas cu 180 pashent

Un enfermero na Alemania cu a haya castigo di bida aña pasa pa a ...

Putin ta gana eleccion, ningun reaccion for di Merca ainda

Lidernan rond mundo a felicita Vladimir Putin pa su victoria den e eleccion recien ...

Mvd6736096.jpg

Hues na Brazil ta elimina prohibicion di uzo di WhatsApp

Un hues na Brazil a pidi pa kita e prohibicion di e servicio di ...

pablo escobar.jpg

A cuminsa basha abou ex mansion di Pablo Escobar na Florida

Trabou di demolicion a cuminsa riba ex mansion na Florida cu drug Lord Pablo Escobar ...