DSC_0479.JPG

Dialuna anochi central di polis ta haya un melding cu un homber lo kier a purba di comete un atraco na Feng Yu Store situa na Sero Blanco. Di biaha ta despacha un patruya pa e sitio. E Chines ta conta cu desde e atraco pisa na Wayaca a sucede, e ta lock e porta di e negoshi dus ora bo yega di paden e chines ta habri e lock pabo drenta. Esey tambe ta loke a skape for di e atraco.

E ta conta cu un persona lo mester a yega cara tapa na e porta y purba drenta pero ora e la ripara cu e porta ta na lock e la cuminsa bati duro ariba e porta pa despues spuit cu un obheto riba e porta y bandona e sitio. No ta conoci kico e atracador a spuit riba e porta si ta un sorto di pepperspray of algo pa pone hende bai flauw. Ta sospecha cu e lo a para e auto e otro banda di caminda. Y no sa si tabata tin mas hende den e auto. Polis a tuma datos y pasa e caso over pa Atraco Team cu lo sigui cu e investigacion. A tuma e grabacion di video tambe pa investigacion.

LEAVE A REPLY

Please enter your comment!
Please enter your name here