Posibilidad cu Zavascki a muri den un atentado y no den accidente ta crece

Experto di Forsa area di Brasil hunto cu caha preto di avion unda e hues  Teori Zavascki  tabata biaha, a conclui, cu avion no a raporta ningun problema den e avion prome cu el a cay na costa di Paraty, region sur di Rio Janeiro. E situacion ta laga di un banda e tesis cu un fayo mecanica a causa e accidente. E sospecho aki a eleva preocupacion pa posibilidad cu e accidente aki por ta un atentado, pasobra Zavascki tabata un persona hopi importante den investigacion di e scandal conoci como Lava Jato.

Diario Folha de S. Paulo a comunica cu personal di investigacion a studia un audio, cu a wordo graba e caha preto di avion y asina haya sa kico a pasa  den e ultimo 30 minuutnan di e vuelo di avion ey. Nan a bisa cu haya sa di combersacion entre e piloto Osmar Rodrigues y otro e piloto cu tabata bula den mesun area na e momento di accidente aki.

Analisis di prome informacion cu nan a haya, a indica di un combersacion di e  piloto, ora cu a bisa cu e ta wardando pa awa stop di yobe, pa despues e por aterisa, pero un rato despues e grabacion a wordo interumpi. E accidente den cual Magistrado Teori Zavascki, kende tabata responsabel di investigacion den caso di Petrobras na corte supremo di Brasil, a perde su bida, a sucede diahuebs cu a pasa na Paraty, un area turistico, situa na litoral di Rio di Janeiro.

E avion tabata un bimotor  King Air C90, cu a lanta desde Sao Pablo, cu 5 pasahero y a wordo accidenta na lama un ora despues, net dos kilometer di pista di aterisahe.

You May Also Like

Peticion pa revisa datonan bancario di Donald Trump

Consulado special di Merca Robert Mueller a ordena Deutsche Bank di Alemania pa entrega ...

Caso grandi contra famia cu a enrikece nan mes cu pildo di dolor adictivo

Un total di 8 miembro di e famia Mericano Sackler ta wordo teni co-responsabel ...

image (1).jpg

Dama di Hawaii ta gana jackpot di $10.7 miyon den slot machine na Las Vegas

Un dama di nacionalidad Hawaii a gana mas cu $10 miyon hungando wega di slot ...

Mexico: 2000 mucha asesina den guera narcotrafico

Den 10 aña di guera den narcotrafico, mas di 2000 mucha y adolescente a ...

Protesta na Russia : “Cientos di detenidonan na manifestacion di oposicion”

  Cientos di personanan a keda detendi den un manifestacion anti -corrupcion na Moscow ...

Bono: ‘Musica awendia a bira hopi femenino’

Cantante di grupo U2, Bono, a critica locual e ta bisa ta un falta ...