Ayera e lista combina di PPA/ UPP a yega e cantidad di firma rekeri pa por participa na eleccion dia 22 di september awo.
Pa 3or di atardi segun conteo oficial, Censo a confirma esaki. Lider di partido Booshi Wever a manda un palabra di gradicimento na tur ciudadano cu a sostene nan. “578 Firma. Nos ta gradici cada ciudadano cu a sostene e lista PPA/UPP. E trabou ta continua pa manda e mensahe na un y tur: PPA/UPP ta e alternativa real pa seriedad, experiencia y innovacion den un coalicion. Nos ta determina y lo hiba un campaña riba nivel, sin populismo, sin manipulacion y sin fiestamento. gobernacion ta algo serio. Level UPP, PPA un miho mañan!”
Despues di tres dia, partido POR, RED, RAIZ y awo PPA/UPP a yega e cantidad di firma necesario. Curpa awor tin 288 firma, MAS tin 267 y ABO tin 82. Nan tin te 15 augustus pa yega na e cantidad di 578 firma.
