Recientemente, Conseho di Minister a aproba e institucion ‘Begrotingskamer’. Begrotingskamer, of Camara Presupuestario na Papiamento, lo ta e organo Arubiano cu lo ta encarga cu e supervision financiero di nos pais, unabes CAFT bay.

Miembronan den e Camara Presupuestario lo ta apunta solamente dor di Aruba. Hulanda lo no por apunta ningun miembro nobo den e Camara Presupuestario. Cu esaki, segun Premier Evelyn Wever-Croes, Aruba lo haya su autonomia financiero bek.

“Palabracionnan cu Hulanda ta cu unabes CAFT bay, e Camara Presupuestario lo keda completamente encarga cu e supervision financiero di Aruba. Esaki lo pasa na aña 2021. Gobierno ya ta trahando riba tramitenan pa Camara Presupuestario bira un realidad mas pronto posibel. Segun e proposicion cu a wordo aproba pa Conseho di Minister, e Camara Presupuestario por bira realidad for di awo pa un aña caba”, Premier Wever-Croes a duna di conoce.

 

LEAVE A REPLY

Please enter your comment!
Please enter your name here