Minister Armando Lampe a duna un presentacion na e comision fiho pa cu enseñansa di Parlamento di Aruba, cual ta wordo presidi pa Ricardo Croes. Pa e reunion aki, e director suplente di DPS, Kristof Veekmans a duna un presentacion, na unda cu e ta splica den detaye encuanto e.o. posicion huridico di maestronan, materialnan pa scol cu ta core tardansa grandi pa ricibi actualmente, kico tur ta e beneficionan pa cu e independisacion di e scolnan publico. Mester añadi cu sr. Veekmans ta un hurista specialisa pa cu enseñansa y su persona mes ta para totalmente tras di e independisacion aki.
Durante su presentacion, el a splica claramente cu despues di finalisa e trayectorio di independisacion, e lo ta beneficioso pa su coleganan den enseñansa publico. Independisacion lo trece mas libertad den enseñansa, lo duna mas espacio riba con ehecuta locual gobierno kier. Actualmente e libertad ta sumamente limita. Actualmente tin hopi limitacion financiero, companianan no kier pago despues di 90 dia, tampoco ta haya e miho oferta pa e motibo aki di pago laat. Esaki lo pasa pa pasado cu independisacion. Schoolbestuur no por spaar tampoco riba termino largo na momento di p.e. construccion di ampliacion di edificionan. Decisionnan cu mester wordo tuma actualmente ta lento pa via di burocracia, no tin posibilidad pa delega responsabilidad. DPS no ta responsabel final pa calidad di enseñansa sino na nivel politico, p’esey tin demasiado metemento di politica riba operacionnan diario di scolnan. Ta carece di perspectiva LT pa via di limitacion di Schoolbestuur profesional. Independisacion na un forma di fundacion ta e miho forma huridico. Lo sirbi como modelo pa otro fundacionnan di scol. Lo tin mas confiabilidad, carga responsabilidad, checks and balances, lo tin un caracter habri den enseñansa y gobernacion. Posicion di esunnan envolvi lo no bay atras, a contrario. Bezoldiging di docente y demas personal lo core identico cu di otro scolnan similar. (Bezoldiginsregeling 1986 en bezoldiging LB onderwijzendpersoneel; den futuro Functiehuis).
Nombracion di docente y demas personal segun acta di nombracion ‘vaste dienst’ identico na MB vaste dienst. Den e parti disciplinario LMA ta aplicabel tambe pa esunnan ‘gelijkgesteld’ via contract. Tin mas posibilidad di proteccion via comision di beroep, cu pa motibo di imparcialidad ta duna mayor proteccion na personal. Pa crea carera actualmente no ta posibel ya cu personal den enseñansa publico no por pasa pa otro departamentonan gubernamental: loke conoce awor como ‘ontslag bij MB en benoeming LB’. Pa via di independisacion y yegada di functiehuis lo tin mas cooperacion cu Schoolbstuur y mas mobilidad. Como tambe simplificacion administrativo.
Statuto Studiante Caracter
habri di e fundacion ta forma parti integral di su metanan comunitario y derecho di existencia. E principionan aki ta ancra den su funcionamento. Derecho riba enseñansa ta keda garantisa!
Conlusion Independisacion
ta miho pa Enseñansa Publico (mas oportunidad den su capacidad pleno di maneho). Independisacion ta miho pa docentenan y demas personal. Acceso pa studiantenan ta keda mescos. Na final tur e parlamentario presente di tur fraccion huramenta pa regla di bon conducta cu lo hiba semper e berdad nan dilanti a keda satisfecho cu e presentacion. Despues cu minister Lampe a contesta tur pregunta, a palabra cu lo por manda ainda tur pregunta cu a keda colga y cu sigur su persona, lo sa di duna nan contesta tambe
