(AFP) – Colombia su president-electo ultra-derechista tin plan di habri un embahada na Jerusalem mientras e ta busca restaura y fortalece lasonan cu Israel, su oficina a bisa diahuebs.
Abelardo de la Espriella a gana luna pasa su eleccion presidencia cu menos di 1 punto porcentual y a priminti di tuma accion contra Colombia su gran cantidad di grupo arma – parcialmente pa medio di crea un aliansa militar cu Merca y Israel.
Na 2024, lider iskierdista Gustavo Petro a corta laso cu Israel, un di Colombia su partner clave di seguridad pa su operacion na Gaza Strip.
De la Espriella, cu sosten di President Mericano Donald Trump, lo asumi su encargo dia 7 di augustus y a priminti cu lo restaura lasonan cu Israel.
E gobierno binidero ta bayendo dilanti cu e “apertura di un embahada Colombiano na Jerusalem, e capital di Israel,” su oficina a declara diahuebs.
Israel ta considera, Jerusalem, incluyendo e parti ocupa, como su capital, aunke esaki no ta reconoci internacionalmente y mayoria pais ta haci nan mision diplomatico for di Tel Aviv.
Merca na 2018 a muda su embahada for di Tel Aviv na Jerusalem durante Trump su prome termino.
Colombia awo lo kita su sosten pa Sur Africa su caso dilanti Corte Internacional di Justicia (ICJ), cual ta acusa Israel di comete genocidio na Gaza.
Minister di Exterior binidero Omar Bula a reuni cu su colega Israeli, Gideon Saar na Washington, unda ambos a dicidi un roadmap pa restaura e relacionnan diplomatico y elimina visa pa biahe.
“E relacion historico cu e administracion di Petro pa corta di manera unilateral lo ta fortaleci un biaha mas,” e declaracion a bisa.
Petro a yama De la Espriella un “complice di genocidio” despues di e declaracion.
“Cualkier persona cu sostene genocidio ta un complice,” el a skirbi riba X.
E lider saliente a sostene e caso dilanti ICJ, mientras tambe a para exportacion di carbon y importacion di arma for di Israel.
Tambe el a bisa cu e tin intencion di habri un mision diplomatico na Ramallah, West Bank, cual ta ocupa pa Israel sinembargo e proyecto nunca a materialisa.
