Presidente di Comision Federal di Comunicacion (FCC pa su siglanan na Ingles), Ajit Pai, kende ta un Republicano, ta bisa cu e ta retirando di e regulador di telecomunicacion riba Dia di Inauguracion, 20 di januari proximo.

Presidente electo Joe Biden lo scoge un cabesante Democrata nobo pa e agencia. Un administracion nobo tipicamente ta scoge un presidente nobo.

Pai a presidi riba un FCC contencioso durante ultimo cuatro aña. El a deshaci reglanan di neutralidad di red cu tabata prohibi proveedornan di servicionan di internet manera Comcast y AT&T di faborece cierto tipo di trafico di internet riba otronan na 2017, y a defende otro esfuersonan di desregulacion. Ademas el a traha pa libera spectrum pa companianan di celular pa asina nan por lansa 5G, e standard wireless di proximo-generacion cu ta priminti velocidadnan mas lihe, y a reforsa accion riba companianan Chines como menasa pa seguridad nacional.

E FCC entrante probablemente lo purba di restaura reglanan di neutralidad di red y enfoca riba cera e ‘division digital’, trece servicio di internet na Mericanonan cu no tin esaki pasobra e no ta disponibel of nan no por afford e.

Probablemente no lo actua riba un directiva reciente di administracion di Trump pa mira Seccion 230 den un esfuerso pa regula companianan di rednan social manera Facebook y Twitter. Seccion 230 ta protege companianan di internet for di demandanan pa postnan di usuarioan. Administracion di Trump a bay pa e ley, bisando cu rednan social ta censura conservadornan.

FCC tin tres comisionadonan di e partido di mayoria y dos di partido di minoria. Actualmente tin dos comisionado Democrata, Jessica Rosenworcel y Geoffrey Starks, un di ken Biden lo scoge pa eleva na presidente, of por scoge otro persona di pafo di e agencia.

Pai y otro comisionado Republicano, Michael O’Rielly, ta bandonando e agencia. O’Rielly ta retirando pasobra Cas Blanco a retira su nominacion despues cu el a bisa cu e no tabata sigur si e agencia tin autoridad riba Seccion 230. Congreso ta evaluando nominacion di otro Republicano, Nathan Simington.

“Ta e honor di mi bida pa sirbi na e Comision Federal di Comunicacion”, Pai a bisa den un declaracion. “Pa ta e prome Asiatico-Mericano pa presidi e FCC ta un privilegio particular. Manera mi ta bisa frecuentemente: Solamente na Merca.”

 

LEAVE A REPLY

Please enter your comment!
Please enter your name here