19/06/2013 Roma, presentazione del rapporto annuale della Croce Rossa italiana, nella foto Francesco Rocca presidente nazionale

E crecemento rapido y insistente di Covid-19 den region Americas y su influencia grave riba desasternan y otro emergencia di salud den e region ta ‘sumamente preocupante’, segun e Presidente di e Federacion Internacional di Cruz Cora y e Sociedad Creciente Cora (IFRC). Oficina Regional Americas den IFRC ta sirbi 35 pais, y ta cubri: Sur America, Brasil, region Andes, America Central, Caribe Latino y Caribe di habla Ingles.

Papiando durante un conferencia di prensa na Geneve, Suisa, Presidente di IFRC Francesco Rocca, a enfatisa su preocupacion riba un apatia creciente na cierto partinan na mundo riba e virus:

Nos a bisa di un principio cu ‘ningun di nos ta safe te ora nos tur ta safe’. Esey ta keda e berdad. E prome ola no a pasa ainda y nos no a yega na e peak di e brote aki.

Mientras e restriccionnan den cierto partinan di mundo ta wordo kita, e situacion den hopi partinan di Region Americas ta empeorando. Cu ya caba mas di 5 miyon caso di COVID-19 confirma y mas cu 240.000 morto, Americas ta e region cu mas contagio di e virus.

Awor tin un preocupacion creciente cu e emergencia den salud causa pa e virus, por bira pio cu yegada di winter den sur, e temporada di griep na Sur America y e temporada di horcan den Caribe.

Presidente Rocca a bisa: “Desasternan no ta stop. Crusando America Central y Caribe, nos ta trahando intensivamente hunto cu e organisacionnan di Cruz Cora, pa prepara pa e temporada di horcan. Sinembargo, e medidanan di isolacion y cuarentena, cu ta necesario pa para e virus, ta haci e tarea di preparacion ainda mas dificil. Y na mesun momento, nos teamnan di response ta hopi activo caba trahando cu e pandemia.

E pandemia ta poniendo tambe inmenso presion riba Cuido y Maneho di sistemanan di salud den e region y tin un impacto riba e habilidad di sistemanan di salud y gruponan di ayudo pa reacciona riba otro brote, manera Dengue. Mas y mas boluntario y staf di Cruz Cora ta mira casonan di Covid-19 y Dengue hunto den hopi comunidad, cu tur dos malesa afectando e mesun gruponan vulnerabel, specialmente personanan cu ta biba den barionan super pobla y sin servicio urbano. E impacto di COVID-19 por sconde e gravedad di brote di dengue y por desvia e atencion di profesionalnan den salud di mantene e control di dengue riba nivel di comunidad.

COVID-19 tin tambe un impacto riba migracion. Diferente pais na Central y Sur America a experiencia cambio den e fluho di migracion a consecuencia di e medidanan restrictivo tuma door di COVID-19. Por ehempel, migrantenan di America Central ta blokia pa drenta varios pais door di clausura di fronteranan. Na otro paisnan tin un tendencia di “regreso boluntario” di migrantenan di paisnan di origen, door di perdida di oportunidadnan pa gana algo y empeoramento di condicionnan di bida den transito y paisnan di destinacion.

 

LEAVE A REPLY

Please enter your comment!
Please enter your name here