Partido CURPA a grita pa hopi añanan caba cu e partidonan tradicional y nobo cu actitud tradicional no tin  e interes di e pueblo na pecho pero mas bien nan  interes personal.  

Awe nos por wak otro prueba di esaki ora gobierno a dicidi y anuncia cu ta duna placa y aprobacion pa un parada di luz 26 februari venidero ariba e route di carnaval te den oranan di madruga sin tene cuenta cu e interes general y peliger pa salud di nos grandi y otronan.

 

Desde cu e pademia a drenta Aruba gobierno ariba un manera dictorial a maneha e asunto aki kitando libertad di nos ciudadanonan y destrui nos economia. E pueblo mester a soporta e abusonan aki di gobierno y huesnan tirando tur cos ariba interes general.

 

Ora ta trata nan bienestar personal ta core kita regla manera entre otro un casamento di  yiu di prome minister  cu a tuma luga na december ultimo na tierra del sol cu fiesta grandi y tur. Despues di e fiesta aki por a nota cu e casonan di covid-19 a subi  sky high.  Awor kico ta e interes personal cu gobierno tin pa organisa un parada di luz den dos siman di tempo pa 26 februari? Den secreto a organisa e parada di luz aki paso un evento di un magnitud asina 2 siman ta hopi riba man. Ora tur cos tabata cla  y bon hinca den otro a dicidi di anuncia cu dia 26 di februari 2022 lo tin parada di luz.

 

Mi por menciona algun manera:

1. sponser nan di benta di alcohol y cuminda

2. kier ta haantje de voorste y mustra mundo cu nos ta e prome cu ta organisa un parada? Mundo no ta draai rond di Aruba shonnan

3. Cabes a bira mas loco ainda? Pesey nos tin PAZ of

4. tal vez nan kier pega henter Aruba cu e virus pa asina bolbe bin cu medida y actitud dictorial?

 

E capacidad di ICU y camanan den hospital ta limita y no ta responsabel pa tuma  un riesgo grandi asina. Pa casi 24 luna hende no por a tene un boter di alcohol ariba caminda publico y awor diripiente si por?

 

No tin placa pa nada pero awor diripiente tin placa pa sponser gruponan musico y paga overtime na polisnan y otro instancianan?

 

Turistanan no ta interesa pa un parada di luz y sigur no ta bin specialmente den dos siman di tempo pa algo asina. Y si bo kier algo pa e turistanan organisa e parada na e high rise hotel saliendo for di oude molen pa marriott dedica solamente pa turistanan pa asina nan entre nan pega nan mes.

 

Pueblo di Aruba e gobierno aki no tin e interes di e pueblo di Aruba na pecho pero esun di nan mes,  sponsernan y un grupito di carnavalista loco.

 

Partido CURPA ta spera cu gobierno  ta reconsidera e locura irresponsabel aki y uza sano huicio. Si dicidi di sigui toch cu e parada di locura aki y despues resulta den un desaster nacional anto gobierno per direkt mester baha y yama un eleccion.  Asina pueblo masalmente por vocera nan disgusto contra e gobierno aki den e hoki di votacion.

 

Solamente e pueblo por salba e pueblo y no e interes personal di politiconan. Nos di partido CURPA ta spera cu e polisnan y otro instancianan cu mester duna man pa realisa e parada aki nenga di coopera pa participa na e locura aki pa asina e parada keda cancela. Igualmente partido CURPA ta contra cualkier parada na juli venidero y mester dies mantene e agenda carnavalesco di 2023.