Ayera tardi Federacion di Trahadonan di Aruba (FTA) a tene un congreso extra ordinario na Hilton Hotel pa atende nan presupuesto 2021 y nan respectivo votacion.

Presidente di FTA, Hubert Dirksz a declara na Bon Dia Aruba cu esaki ta e di dos congreso cu nan ta organisa e aƱa aki, esaki debi na e crisis di Covid y exigencianan di departamento di Salubridad Publico (DVG). Nan a tene un congreso na inicio di aƱa, pero unabes cu e pandemia a bati nos porta, FTA no por a bin cu mas congreso.

Durante e congreso extra ordinario aki e delegadonan a trata y aproba un presupuesto 2021 cu a bay atras cu un 30% di nan entrada compara cu esun inmediatamente anterior. Dirksz a splica cu e perdida di entrada ta inclui e trahadonan cu a perde trabao. Y tambe e asina yama reduccion di entrada. Te aworaki tin hopi compania ta pagando 80%, caminda FTA ta reduci nan contribucion tambe na 80%. E mesun caso ta sosode caminda e compania a reduci salario di e trahadonan te cu un 60%.

Panorama pa 2021

FTA ta premira cu pa otro aƱa e proceso cu nos ta pasando aden di medidanan cu ta produci un stress social, economico y financiero lo continua.

Sinembargo e organisacion sindical aki ta spera cu na momento cu Hulanda drenta cu en berdad e lo por ta un ayudo pa nos. No solamente pa e ayudo di e subsidio di salario, etc… pero mas tanto gobierno por tin su situacion mas bao control.

Pero tambe cu nos por mantene e nivel di virus di Covid mas abou posibel poniendo enfasis riba promocion di nos producto Aruba pa nos por pick up mas lihe y riba un miho nivel y calidad den nos turismo. Di e forma aki FTA ta kere cu nos por tin un aƱa 2021 mas miho, apesar di tur pronostico pa alcansa un aƱa venidero mas miho di loke nos lo por premira.

Nan a calcula e cifra aki apesar cu ta existi un demanda pa cantidad di trahado bira miembro di FTA. Pero e lider sindical ta haya cu ta existi un ambiente di hopi miedo den e trahado pa eherce nan derecho di afiliacion sindical. Pero presidente di FTA ta lamenta cu ainda tin dunado di trabou cu ta obstaculisa e proceso ey.

Mas cu e trahadonan ta yena formulario pa bira miembro nan ta wordo obstaculisa, y el a menciona varios compania cu kisas den comunidad nan dirigentenan ta mustra hendenan comprendibel, pero realidad na pia di trabao ta otro. Y esey FTA ta lamenta den nomber di e clase trahado. “Nos ta kere cu si un compania ta serio, no tin nada di sconde, e lo conveniā€™e pa tin su trahadonan representa pa un sindicato,” el a bisa.

Pa habri un aƱa nobo, FTA mester tin e presupuesto aproba pasobra eynan ta determina nan entrada y gasto relaciona cu tur actividad cu nan lo tin pa entrante otro aƱa. E dirigente sindical di FTA a duna un splicacion ariba kico nan ta plania pa 2021 basa riba e realidad cu nan ta confronta di ricibi menos entrada pa otro aƱa. Tambe tabatin espacio pa e delegadonan sindical por haci pregunta cu nan tabatin den un seccion di turno liber.

 

 

 

LEAVE A REPLY

Please enter your comment!
Please enter your name here