(AP) – Prins Harry lo atende e coronacion di su tata, segun loke Buckingham Palace a informa diaranson, cabando cu lunanan di speculacion tocante e presencia di e prins y si e lo ta un invitado bon bini despues di e acusacionnan y declaracionnan tocante e famia Real cu a prins a haci ultimamente.
Su casa Meghan, Dukesa di Sussex, lo permanece na e pareha su cas den Southern California cu su dos yiunan, Prins Archie y Prinses Lilibet, e palacio a sigui informa. Un declaracion practicamente identico di e representantenan di Sussex a confirma e noticia.
E fecha di e coronacion, cual ta dia 6 di mei na Westminster Abbey ta coincidi cu nan yiu homber su cumpleaños. Mientras e anuncio mester silencia e debate di si e ta bay of no, den media Britanico, e no lo caba cu e drama cu tin tocante e relacion entre Harry y Meghan y e Rey Charles.
Ora cu e prins a atende e entiero di su welo y wela Prins Philip y Reina Elizabeth II, e comentarionan a trata tur tipo di tema, for di si Harry lo bisti uniform di militar te na exactamente unda el a sinta. Y tambe semper tabatin e pregunta si e lo reuni cara a cara cu su ruman homber Prins William. Ta premira cu durante e coronacion, e atencion y enfoke lo ta den e mesun temanan.
