ORANJESTAD – E proceso pa nombra un Hefe pa Cuerpo Policial ainda no a ser finalisa. E comision encarga cu esaki a informa Minister di Husticia Andin Bikker di esaki. Kico exactamente ta tardando e proceso no ta conoci.
Tramitenan ta tumando luga pa yega na un Hefe pa Cuerpo di Policial despues cu solicitud a sali den medionan di comunicasion. Mientras tanto e comision encarga entre otro di Ministerio Publico y DRH a informa Minister di Husticia Andin Bikker cu nan no a keda cla cu e proceso.
Di parti Minister Bikker, e ta spera cu den e proximo simannan por haya conseho y mas informacion di parti e comision di e procedura. Mientras tanto Sr. Andrew Hoo ta keda fungi como Korpschef di KPA.
