E prome baby di aña 2016 ta un mucha homber cu a nace 3:00am en punto na Horacio Oduber Hospital y a haya e nomber Jacob Thiel. Esaki hospital ta informa. Lesa nan relato aki:
“Jacob Thiel ta e prome yiu di Arilyn Thiel y Julien Ramiro Thiel y e tin un peso di 3420 gram y un largura di 52 cm. Baby Thiel a nace di un parto natural door di partera Michael Quandt di Baby Love. E mayornan no a spera e baby nace asina pronto pero ta hopi contento y masha orguyoso di por habri aña 2016 cu un miembro nobo den famia.
E di dos baby di aña 2016 a nace pa 4:23am tambe cu un parto natural y tin un peso di 3045 gram y un largura di 48cm. Su nomber ta Adele Diana Faith Benita y ta e prome yiu di Kinziah Rodriguez y Rudolf Benita. Baby Adele tambe a wordo atende door di partera Michael Quandt. E di tres baby a nace net un rato despues pa 4:55 y ta un mucha homber cu un peso di 3565 gram y largura di 52cm. Su nomber ta Elijah Patino y e tin un ruman homber di 6 aña cu yama Kayden. Elijah ta e di dos yiu di Diana Torres Paez y Gustavo Patino.
E ultimo baby di aña 2015 ta un mucha muher cu a nace pa7:35pm cu un peso di 2590 gram y un largura di 49cm pa via di un parto natural door di Akil Arrindell di Futuro Bambino. Un danki grandi ta bay na zuster S. Jagernath y zuster O. Croes na departamento di Verlos. E miho deseonan pa e babynan y nan famia di parti di Dr. Horacio E. Oduber Hospitaal. Pabien Aruba cu e prome babynan di aña! “
