Prome Minister Evelyn Wever-Croes: E deficit 2018 ta menos cu locual a premira den presupuesto 2018

ORANJESTAD – Diaranson mainta, hunto cu minister di finansa Xiomara Ruiz-Maduro, prome minister Evelyn Wever-Croes tabata den parlamento pa e reunion publico pa duna un update riba e supervision financiero door di CAFT. 

Prome Minister un biaha mas ta felicita Parlamento pa e nivel hopi halto di e reunion publico aki cu a wordo bon dirigi pa Presidente di Parlamento, señor Ady Thijsen, continuando asina cu e diferencia grandi pa hiba e reunionnan publico cu calidad contrario no loke tabata tin prome cu cambio di gobernacion.

Durante e reunion, Ruiz-Maduro a anuncia un tremendo noticia cu sigur tabata un momento di satisfaccion y orguyo pa tur esunnan den sala di parlamento como tambe esunnan cu a sigui e reunionnan via diferente canalnan.

E deficit 2018 ta menos cu locual a premira den presupuesto 2018. E gastonan den 2018 a resulta di ta 50 miyon florin menos cu e presupuesto. E deficit den e presupuesto ta 3% y a resulta finalmente den 2.6%. Esaki ta 20 miyon menos cu loke a wordo palabra y presenta den e presupuesto. E informacion aki ta den e Uitvoeringsrapportage 4e kwartaal di 2018.

No ta facil pa goberna un pais den un situacion financiero dificil asina, pero awor nos tin hende serio ta dirigi nos finansa publico y ta determina pa mehora e situacion financiero di nos pais. Gabinete Wever-Croes ta atende cu e retonan social y financiero cu tur prioridad. Cada paso grandi of chikito cu Gobierno di Aruba ta tuma, ta pone e ser humano central. Cu cada paso, nos ta pone Aruba bek riba e rumbo financiero corecto, pa nos haya nos autonomia financiero bek den nos man. Poco poco pero sigur nos ta logra trece e bienestar y progreso pa tur ciudadano di nos pais”, Wever-Croes a enfatisa.

 

You May Also Like

App pa controla prijs di consumo

Ayera minister di Financia Xiomara Ruiz-Maduro (MEP) a introduci un app nobo unda bo ...

Carchi AZV caduca: dunado di cuido por nenga den caso no urgente

Algun siman pasa Bon Dia a tuma nota di un caso caminda un persona ...

image.jpeg

Segun tata: Voogdijraad a yama bailamento sunu dilanti menornan di 10, un incidente

Caso Raul Solognier ta splica: Prome caso di abuso cu a cuminsa tuma luga ...

otmar salida gob.png

Ultimatum di minister Oduber ta mustra ‘done deal’

Minister Oduber a duna gabinete Mike Eman II su ultimatum ayera por medio di ...

trasplanta organo Br (2).jpg

Aspecto tecnico y etico ta limita donacion di organo di Aruba pa Hulanda

Hulanda a bin cu un ley pa tur nan ciudadanonan por bira donante di ...