(AP) — Prome Minister di Polonia ayera a adverti cu Europa por mira “revuelta” si Union Europeo, di cual su pais ta miembro, converti den un “gobierno super-estatal” cu ta ignora diferencianan nacional.
Prome minister Mateusz Morawiecki tabata dunando un discurso na universidad na Heidelberg, na Alemania, tocante e retonan enfrentando e continente, unda el a bisa cu Ucrania ta bringando e invasion di Rusia pa protege balornan central Europeo di libertad.
“Mi ta adverti tur esnan cu kier crea un gobierno super-estatal di un elite estrecho: si nos ignora diferencianan cultural e resultado ta bay ta e debilitacion di Europa y un serie di revuelta,” Morawiecki a bisa.
E guera a pone Europa den un “punto cardinal historico” unda mester proba su forsa cu ta bin for di e diversidad di su nacionnan, el a argumenta. “Na Europa nada por salvaguardia e nacionnan, nan cultura, nan seguridad social, economico, politico y militar miho cu estadonan nacional,” Morawiecki a bisa. “Otro sistemanan ta ilusorio of utopico.”
Gobierno ultra-derechista na Polonia ta den disputa cu Brussels riba asuntonan incluyendo estado di derecho y independencia hudicial, y ta insisti cu UE tin demasiado di bisa den asuntonan regardando e interesnan individual di su 27 miembro.
