Final di 2018 UPP a cuminsa mustra riba e corupcion di dia cla cu a bin ta tuma lugar cu e destaho bou man di e incinerator chikito, orkestra pa Otmar Oduber, carga cu APROBACION absoluto di henter Ministerraad y SOSTENI pa e 12 miembronan di Parlamento di POREDmep, cu no a “give a damn”, pasobra e stoel tabata mucho dushi. Un DESTAHO BOU MAN cu tabata solamente y unicamente pa previlegia su amigo y sponsor. E fechoria aki tabata por, pasobra den Conseho di Minister tur hende tabata tin miedo pa gobierno cay. Mientras cu den Parlamento tabata tin un apoyo incondicional.
Despues cu UPP a ripara cu ni e Ministerraad ni Parlamento, kier a haci trabou di loke cu UPP a divulga cu documentonan, no a keda mi persona nada otro cu entrega un keho oficial cu TUR e pruebanan na OM. Copia di henter e dossier a wordo entrega na FULL Ministerraad, 21 miembro di Parlamento, ARA y CAFT na februari 2020. Aunke increible, pero nos no a haya ningun reaccion di e instancianan aki.
E DESTAHO BOU MAN no solamente tabata yena cu corupcion, pero a hinca Serlimar di carambola den e sauce aki. Un compania cu ya caba tabata bancarota y tabata rekeri ayudo financiero di inmediato di gobierno pa garantisa su sobrevivencia. Pa logra su obhetivo di beneficia su sponsor di campaña Otmar Oduber a haya ayudo di su muchanan manda, esta e “handpicked” director di Serlimar y e director di DOW. Un “ayudo” cu a sosode DESPUES cu e DESTAHO BOU MAN ya caba a tuma lugar. Tur esaki cu CONSENTIMENTO di e Prome Minister sra. Wever-Croes.
Lamentabelmente UPP mester constata cu ni FDA a bisa algo. Ta placa di FDA a wordo usa, pues e minister di Finanzas tambe a aproba tur e PORkerianan aki, sin papia mes di e 21 miembronan di Parlamento cu a scohe di keda keto.
Despues cu e prome minister actual a tuma e cartera di Infrastructura, UPP a kere cu awor si lo lansa un investigacion masal pa averigua kico a pasa berdaderamente y atende cu tur esnan meti den e corupcion aki. Awo, dilanti porta di eleccion, nos ta wak lo contrario sosode. Prome minister demisionario, cu no a lanta un dede despues di a tuma e encargo di e departamento, diripente awor ta bai firma pa traspasa e operacion di e incenirator chikito desfunccional aki, back pa DOW. E prome minister atrobe ta “lap aan haar laars” tur reglanan, pasobra aki ta trata di gobierno demisionario cu pa colmo cu NO tin apoyo di un mayoria den Parlamento. Y e cherry riba e bolo ta cu ta firma, pero atrobe no ta publica kico precies ta e contenido di e documento/compromiso cu a firma. Ambos acto NO ta integro y sigur no transparente.
E “berdad” no tin ningun balor pa Sra. Wever-Croes ora ta declara cu e incenirator lo bay deshaci di tur desperdicio cu ta bay riba e dump. Su mentira a wordo alcansa masha liher mes pa e berdad, pasobra recientemente por a tuma nota di candela cu tabata tin ATROBE cu ta molestia e pueblo di Parkietenbos y vecindario. Berdad ta cu e acto di prome minister por wordo considera como un salto mortal pa purba di manipula y tapa e corupcion den henter e asunto di compra y operacion di e incenirator chikito. Cu e firmamento e Gobierno demisionario, sin sosten di un mayoria den Parlamento, ta APROBA CORUPCCION den su totalidad.
Un otro berdad ta, cu henter e compra y maneho di e incinerator a cuminsa na DOW cu despues sin mas y di carambola a pasa esaki over pa Serlimar. Y kico ta pasa awor? Mesun DOW, sin ningun berguensa y splicacion ta tuma esaki back di Serlimar. Pa colmo un Incenirator cu NO ta funciona. Dia 4 di december 2019 mi persona a entrega un denuncia di corupcion, labamento di placa, abuso di poder, mal gobernacion etc etc y te awe NIUN miembro di Parlamento a pick esaki up y haci algo cune. Mirando e hecho cu ta parce cu un biaha mas kier tapa corupcion y laba cabez di Otmar Oduber mi lo bay haci un trabou di dje pa mi haya claridad. Nos ta bay cana e camindanan pa haya mas claridad y mi lo un biaha mas entrega un RAPPEL pa mi haya un clarificacion.
UPP no solamente ta mustra cu tin corupcion, pero ta bin cu posibel solucionnan pa cada acto. Den e caso aki, ora cu kier desvia di un Destaho Publico, un minister ta recuri ta haci uso di un “Landsbesluit” y ta pidi colaboracion di su colega minister di finanzas pa nan FIX algo pa nan sponsor. Esaki ta parti di loke UPP ta para pe den e REBOOT ARUBA 2.0, na unda lo mara mannan di e politiconan y percura pa UN MANECE NOBO PA ARUBA
