Prome minister ta pidi eleccion general dia 28 april

SPAÑA – Pedro Sanchez a tuma su decision despues cu su plan pa presupuesto di su partido socialista a wordo derota siman pasa den congreso.

E hendenan di Spaña lo acudi na e luga di votacion pa di tres biaha den 4 aña. E prome minister, Sanchez a anuncia un eleccion pa dia 28 di april proximo. Nan no tabata spera di bolbe vota te cu 2020.

Sanchez a logra den su gobierno creacion di trabou, y iniciativanan ambiental cu social. Tambe el a adverti pa tuma decision cu por hiba na un mayor confrontacion di un pais polarisa. “Spaña no merece pa keda pega debi na interes di partido. E pais ta pertenece na su ciudadanonan, nan ta dicidi. Nos ta defende un pais cu tin espacio pa tur hende”, Sanchez a bisa.

E decision pa eleccion nacional a bay lihe, pa motibo cu diputadonan di congreso a rechasa diaranson e plan pa gasto di gobierno pa 2019. “E presupuesto aki ta bon pa nos hende di henter teritorio di nos pais”, Sanchez a bisa. Un velada di referencia pa e aumento di e fondonan cu ta destina pa Cataluña.

Un di e promesa cu Sanchez a bisa ora el a asumi e cargo di prome minister ta pa drecha e relacion cu Cataluña, cu tabata mustra grave pa motibo di e decision cu Madrid a scoge, pa suspende e autonomia regional durante 7 luna a rais di un declaracion di independencia unilateral.

“E debate awo ta su nos kier un Spaña cu ta biba sin nostalgia pa un pasado cu nunca lo yega, y cu necesariamente tabata miho. E debate ta, ki tipo di pais nos ta defende? Ta evidente cu e derecha, cu su tres partido, ta defende un Spaña cu no tin luga pa tur”, Sanchez a bisa.

 

You May Also Like

_91322795_joliepitt2.jpg

Actor Brad Pitt hopi tristo cu divorcio

Actor Brad Pitt a bisa cu e ta hopi tristo cu su casa actriz ...

Santana antiguo haya na e famoso piramid di Giza, segun Egipto

Ministerio di Antiguedad di Egipto a bisa cu arkeologonan a descubri parti di un ...

ebola

WHO ta declara Guinea liber di Ebola, dos aña despues cu e epidemia a inicia

World Heath Organization  (WHO) ta declara Guinea liber di Ebola, Esaki ta un gran ...

c.jpg

Playboy Magazine lo stop di publica potret sunu

LOS ANGELES – E famoso revista conoci pa ilustra imagennan di muhenan completamente sunu a ...

Discusion riba e tema di ken e plato conoci como “Kapsalon” ta

Un plato cu a ser “descubri” 16 aña atras y ta awendia masha popular ...