Colombia: Duque ta pidi China reconsidera apoyo na Maduro

Presidente di Colombia, Ivan Duque, a pidi China diahuebs pasa pa reconsidera su respaldo na e gobernante Venezolano, Nicolas Maduro, ken el a calfica di “dictador”, durante un bishita na Estadonan Uni, segun informacion di agencia EFE. 

Duque a solicita China “respetuosamente” pa apoya Juan Guaido, como presidente encarga di Venezuela. “Esaki ta importante pa Latino America,” Duque a añadi, cu a consideracu esaki “lo duna mas respet na e papel cu China por desempeña den un region cu a mira e dictador aki empobrece y caba cu e pais.”

Durante su segundo dia di bishita na Merca Duque a insisti den su respaldo abierto na Guaido y a haci un yamada na comunidad internacional pa mobilisa pa dia 23 di februari proximo, fecha cu a fiha pa e entrada di e ayudo humanitario na Venezuela.

Segun e mandatario Colombiano, pueblo Venezolano “ta invitando comunidad internacional pa dia 23 (februari) haci tur lo posibel pa e ayudo humanitario.”

“Mi ta kere cu comunidad internacional, e lidernan di medio, e lidernan di opinion, mas cu ta discuti loke ta bay pasa cu Maduro, ta loke mester haci pa pasa loke mester pasa y esey ta e fin di e dictadura,” el a indica.

Duque, cu a papia durante casi ora y mey tocante Colombia, e proceso di acercamento cu guerrilla di Ehercito di Liberacion Nacional (ELN), economia di su pais, a dedica varios momento di su intervencion na e tema di Venezuela y e “blokeo diplomatico” contra regimen di Maduro.

 

You May Also Like

Peru: Fiscalía a pidi 36 luna di prizon preventivo pa ex alcalde di Lima

Fiscalia di Peru a pidi diahuebs pasa 36 luna di prizon preventivo contra e ...

Venezuela: Dos persona aresta na Merca pa corupcion cu Pdvsa

Un ex-representante di benta y e presidente di un compania cu sede na Merca ...

Caso curioso na Rep. Dominicana di muchanan cu ta cambia sexo

E desorden genetico ta conoci como pseudohermafroditismo. Ora cu e mucha a haci 12 ...

NuStar Energy ta bende terminal na St Eustatius

NuStar Energy, cu sede na San Antonio, Texas, a bisa diabierna pasa cu nan ...

Explosion den mina di carbon na Norte de Santander ta causa tres morto y varios herido

(ElTiempo) – E acumulacion di gas metano, aparentemente, a ocasiona diabierna pasa un explosion ...

Puerto Rico no ta logra meta di 95% di coriente pa dia 15 di december

E meta di gobernador Ricardo Rosselló pa logra cu e Autoridad di Energia Electrico ...