Pronto Aruba lo tin su propio Ombudsman

ORANJESTAD – Recientemente prome minister Evelyn Wever-Croes, a reuni cu Sahayra Kelly, kende ta e persona apunta como ‘kwartiermaker’ di Ombudsman. Ya caba e procedura ta andando pa pronto Ombudsman bira un realidad na nos pais.

Desde cu gabinete Wever-Croes a tuma over gobernacion, a pone e ser humano central y ta trahando pa wak cua ta e formanan pa duna miho proteccion na e ser humano. Aruba ta e unico pais den Reino cu no tin un Ombudsman. Un Ombudsman ta un defensor di pueblo. Caminda cu un ciudadano ta sinti cu e no a wordo bon trata door di un departamento di gobierno, e por acudi na un Ombudsman kende lo studia e caso y duna conseho na gobierno con pa actua. Si e ciudadano ta sinti cu su derechonan no a wordo cumpli cu nan, of ta wordo trapa den e proceso di pidi permiso, tereno, restitucion di Impuesto, ta algun casonan valido cu un ciudadano por acudi na un Ombudsman. Prome minister ta un promotor tras di e ley aki pa bin cu e Ombudsman. Pronto e ley di Ombudsman ta bay Parlamento. Ya caba tin fondonan den presupuesto pa e gastonan di e oficina di Ombudsman.

Señora Sahayra Kelly Tambe como ‘kwartiermaker’ ya caba a cuminsa planifica e oficina aki. Despues cu e ley pasa, lo habri solicitudnan di Ombudsman, Kinder-Ombudsman y demas funcionnan cu e oficina ta rekeri. Posicionnan aki lo wordo yena primeramente door di hendenan cu ya ta trahando den gobierno caba mirando cu tin un ‘personeelstop’ na vigor. Oficina di Ombudsman ta bay ta un instituto totalmente independiente di gobierno pa garantisa miho servicio pa atende cu derechonan di ciudadanonan.

Prome minister Evelyn Wever-Croes: “E plannan pa introduci e Ombudsman ta bayendo den bon caminda, pendiente di e ley cu mester wordo trata dentro di poco den parlamento. Esaki ta un proyecto cu mi a cuminsa 5 aña pasa caba, tempo mi tawata den oposicion. Y awo esaki ta bira un realidad pa asina cada ciudadano di nos pais por sinti e siguridad cu nan derechonan lo wordo respeta. Di e manera aki e ser humano ta wordo poni central”.

 

You May Also Like

front 1.jpg

Momento historico: Parlamento ta vota riba cambionan den nos codigo civil

  Amienda aproba awor falta adaptacion di 12 ley ainda Parlamento pro registracion di ...

Reduccion di impuesto riba compensacion di retiro

ORANJESTAD – Evaluando e situacion di nos economia actual, y tambe e efecto cu ...

Caida di confiansa di consumidor ta un ‘moment opname’ riba economia

Presidente di Camara di Comercio (KvK), Ernst Mohamed ta haya cu e caida di ...

A detene trahado di KIA cu a maltrata maestro di scol

Un tata rabia a maltrata un maestro di Commandeur Pieter Boer School na San ...