Cas Tan Tin awo ta pertenece na e coleccion di monumentonan

ORANJESTAD – Recientemente den presencia di minister di Cultura Xiomara Ruiz-Maduro y Mi Cutisa, a firma un ‘letter of intent’ pa cumpra Cas Tan Tin.

E cas aki conoci bou nomber di Cas Tan Tin awor ta pertenece na e coleccion di monumentonan di Monumentenfonds. Actualmente Monumentenbureau, cual ta e instancia di gobierno cu ta encarga cu proteccion di monumentonan, ta trahando tambe riba locual ta e proteccion di e bunita cas di cunucu aki.

Mi Cutisa, cu lo ta e usuarionan nobo di e cas,  directiva di Monumentenfonds Aruba a haci anuncio di e adkisicion nobo aki di SMFA. Tambe SMFA a haci entrega di e yabi na gobierno di Aruba y Mi Cutisa cu lo ta e huurdonan di e Cas aki entrante awe y tambe lo ta encarga pa mantene e historia di e cas aki bibo.

Ta asina cu na 1982, ICOMOS a establece 18 di april como Dia Internacional di Monumento y Sitionan Historico. E aña aki e celebracion ta hiba e tema di Rural Heritage. Den cuadro di esaki Stichting Monumentenfonds Aruba (SMFA) a haci uzo di e oportunidad pa anuncia e compra di un cas di cunucu na Pos Abou 19.

Cas Tan Tin, a keda construi pa Mario y Johanna Tromp y esaki a fungi manera nan cas caminda cu nan a cria nan nuebe  yiunan. Na e cas aki mes tabata planta entre otro yambo, concomber chikito, pampuna pa propio uzo y ora e cosecha ta hopi tambe tabata bende e berduranan. Asina aki e cas aki tambe ta forma parti di historia di agricultura na Aruba.

Casnan tipico di Aruba a obtene nan nomber ‘Cas di Cunucu’ principalmente pa motibo di ta construi den areanan di cunucu. E casnan di cunucu den e tipo y forma manera e Cas di Tan Tin a wordo construi despues di e casnan di Torto cual tambe na mayoria tabata construi den areanan rural.
Mayoria di e casnan aki tabata pertenece na terenonan grandi cu tabata wordo uza pa cultiva fruta, berdura pero tambe aloe. Tiki tiki debi na e desaroyo na Aruba e casnan aki cu antes tabata den areanan di cunucu aleha a bira parti di areanan construi y habita pero ta keda ta un refleho di e historia rural di nos isla.

Stichting Monumentenfonds ta orguyoso di e compra di Cas Tan Tin cual ta un contribucion na preserva e bunita Cas di Cunucu aki pa recorda e futuro generacionnan di e historia rural di Aruba.

 

 

You May Also Like

Woman.jpg

Encuesta pa solucionnan varios problema hende muhe ta biba aden

Fundacion pa estudio di Genero Y Famia (GENFAM) ta e fundacion cu ta bezig ...

DAS: Cada mucha ta desaroya den su mesun tempo; Punto basico 3 di e vision pedagogico “Sea realistico”

Na 2016 a institui un comision consistiendo di e siguiente organisacionnan: Tienda di Educacion, ...

Informacion relaciona cu desfile riba Dia di Himno y Bandera

ORANJESTAD – Pa medio di esaki, Comision Celebracion Dianan Nacional (CCDN) kier a participa ...

3Juni,JO, Musico1.JPG

Varios keho di musiconan stranhero trahando sin permiso

Directiva di AMAA – Asociacion di Musico y Artista Arubano – ultimamente a haya ...

Productonan Dominicano hayando aceptacion riba mercado local

Vice Consul di Gestion Comercial y Negoshi di Consulado di Republica Dominicana na Aruba, ...

sleepbetter.jpg

Stop di bebe alcohol pa 1 luna largo. Lesa kico por pasa

E dia nan di fiesta a pasa, ba come, ba bebe, ba goza y awo ...