(AP) – Centenares di hende a protesta riba diasabra na Amsterdam den un demostracion parti di e movemento #MeToo, causa pa acusacionnan di actonan sexual y inapropia relaciona cu un programa Hulandes popular.

E demostracion na Amsterdam su Museumplein a ser organisa despues di reportahenan tocante acoso y abuso sexual, cuminsando for di mensahenan di WhatsApp te cu acusacionnan di violacion, relaciona cu “The Voice of Holland.”

E programa popular a ser kita for di television despues cu varios hende muhe a acusa dos miembro di e hurado cu a uni na e programa den añanan recien, conhuntamente cu e pianista y lider di e banda di actonan sexual y inapropia.

E dos miembronan di Hurado, ambos artistanan popular Hulandes a nenga cualkier acusacion, mientras cu e lider di e manda a disculpa su mes y a retira di e programa.

Mientras cu un gran cantidad di hende muhe a entrega keho na autoridadnan, fiscalnan te ainda no a anuncia si nan lo pone cargo riba algun persona.

E scandal a causa varios yamado na Hulanda pa mas accion ser tuma pa un ambiente mas sigur pa hende muhenan na luganan di empleo.

Union di Labor FNV a bisa e siman aki cu “casi 5 aña despues cu e movemento #MeToo a cuminsa, e ta sorprendente cu asina tiki a ser haci pa combati e intimidacion cu ta tuma luga den e luganan di empleo contra di hende muhe” y a haci yamado na Gobierno pa pone leynan mas estricto.

Vice president di FNV Kitty Jonh a expresa cu e acusacionnan di “The Voice of Holland” claramente ta desmotra cu “hende muhenan den posicionnan vulnerabel tin demasiado tiki recurso unda nan por expresa y reporta acoso sexual.”

LEAVE A REPLY

Please enter your comment!
Please enter your name here