(AFP) – Futuro minister di economia di Colombia a bisa diaranson cu e gobierno nobo derechista lo implementa austeridad y duna luz berde na drill pa recurso.
Presidente electo Abelardo de la Espriella a gana e segunda ronda electoral riba 21 di juni cu menos cu un punto porcentual di diferencia, marcando final di e prome gobierno iskierdista di Colombia.
E abogado miyonario ta asumi e cargo riba 7 di augustus y a priminti corta tamaño di Estado cu 40 porciento.
E pais Sur Americano a cera aña pasa cu un deficit fiscal di 6,4 porciento di GDP — e di dos mas grandi den e region despues di Brasil, segun cifranan di Nacionnan Uni.
Con gobierno entrante lo plania implementa austeridad ainda “no ta defini,” Gomez a bisa.
Pero e si ta plania pa elimina ministerionan, propone un reforma di belasting “pa stimula crecemento” y revisa e presupuesto, cu na 2027 “lo crece bao di e tasa di inflacion,” el a bisa.
Lider saliente Gustavo Petro a reduci pobresa na e nivel mas abao den historia di Colombia y desempleo a baha na su punto mas abao den e ultimo 15 aña.
De la Espriella, apoya pa Cas Blanco, tambe kier reverti politicanan di transicion energetico di Petro, ken a stop exploracion di camponan nobo di petroleo.
E ta defende ‘fracking’, cu ta inclui extraccion di gas natural y petroleo for di capa di piedra subteraneo. E practica ta ser critica pa usa cantidadnan industrial di awa pa habri piedra, y tambe pa causa contaminacion quimico y provoca micro-temblornan.
“E pais a bira mas pober den terminonan energetico,” el a bisa. “Su reservanan di petroleo y gas a baha, pues bao di e condicionnan aki ta hopi dificil pa economia crece.”
