Proyecto di hotel Hilton na Eagle Beach no ta un construccion nobo

ORANJESTAD – Diamars ultimo a circula un noticia cu e firma di hotelnan Hilton lo bay construi un hotel nobo di 300 camber na Aruba. Esaki a origina cierto rumornan riba rednan social pa motibo cu e comunidad ta puntra ‘si e isla no tin suficiente proyecto di hotel caba pa nan haci proyecto di un hotel nobo’.

Bon Dia Aruba a tuma contacto cu PR di minister Dangui Oduber, Roxanne van Dinter, y el a splica cu tur rond area di Eagle Beach tin un gran cantidad di condominio of hotel lantando manera paddenstoel. Van Dinter a bisa cu e proyecto en cuestion, Embassy Suites, ta parti di e 7.000 camber di condominio of hotel cu e gobierno aki a hereda for di gobierno anterior.

Tambe el a expresa cu ex- minister Benny Sevinger a firma y duna un luz berde pa e proyecto aki for di 4 aña pasa, y construccion a cuminsa for di dos aña pasa caba.

Di otro banda, Ursell Arends, lider di partido Raiz, a sigura cu ta un hotel di 330 camber cu lo ta na construccion caba ubica na otro banda di caminda di Aruba Phoenix, cerca di Eagle Beach. Arends a bisa tambe cu probablemente, internacionalmente e compania a reconoce y tampoco tin ningun otro Embassy Suites Hotel planea pa Aruba.

Di su parti, Greg Peterson, di Aruba Birdlife Conservation a splica cu ABC ta proponente di un moratorio riba hotel y condominio nobo, cada un tin un impacto grandi riba nos medio ambiente. Pero tambe na otro manera, entre nan mester trece cantidad grandi di trahado di afo pa bin traha den e sector hotelero.

Peterson a sigura cu Aruba ta bayendo den direccion di 700 persona pa kilometer cuadra, haciendo un di e paisnan mas densamente pobla na mundo. “Aruba ta sigui importa pobresa, costo di bida ta sigui aumenta” Peterson a expresa.

Di mesun manera, Peterson a comenta cu ‘dentro di poco, e hendenan local hasta lo por bira un minoritario den nan propio pais’. Esey ta loke tin cantidad di efectonan social y cultural di e pais. E trafico problematico na Aruba ya caba ta un señal cla cu e pais no por sigui den e rumbo a ki, ta yen caba y Aruba mester di un moratorio solido, Peterson a finalisa.

 

You May Also Like

Studiantenan stranhero yudando comunidad di Aruba

Studiantenan di afo ta trahando hunto cu Universidad di Aruba pa investiga diferente topiconan ...

Minister ta haya dump Parkietenbos ta un situacion ‘alarmante’

Encuanto si gobierno a logra caba un acuerdo cu Ecotech pa tuma over e ...

‘Educacion, legislacion y control ta primordial pa bayena y dolfijn keda bishita nos costa’

Fundado y presidente di Aruba Marine Mammal Foundation Angiolina Henriquez kende tin casi 10 ...

Personal di Aduana disgusta cu Triple A a bay den accion

  Personal di Aduana staciona na Aeropuerto Reina Beatrix a tene un accion di ...

Mas ayudo tecnico pidi na Hulanda pa trata peticion di asilo

ORANJESTAD – Minister di husticia, Andin Bikker a referi na e fenomeno reciente di ...

Practica higiena durante temporada di campamento

Temporada di campamento pa Semana Santa a cuminsa, y manera custumber tin un cantidad ...