Proyecto Dreamers un proyecto sumamente bunita y necesario

30Aug,JO, Abuso di mucha_Desiree.jpg
30Aug,JO, Abuso di mucha_Desiree.jpg
Desiree de Sousa Croes(AVP)

Introduccion di e proyecto Dreamers algun siman pasa, ta den mi opinion un di e proyectonan mas bunita cu Gabinete Mike Eman II a presenta. Proyecto Dreamers of Jovenes Soñadores, ta pa hobennan no Hulandes cu tin mas cu 10 aña na Aruba, di cual por lo menos 5 como menor di edad, cu pa un of otro motibo no a logra obtene un titulo legal na Aruba. E hoben no mester tabatin problema cu husticia durante e tempo cu el a biba na Aruba.

Si e hoben ta cumpli cu e condicionnan aki, e por bin na remake pa un permiso pa periodo indefini, esta un firma liber. Cu e proyecto aki Gabinete Eman II a duna contenido na e pensamento humanitario , emphatico y inclusivo cu ta caracteristico di partido AVP. Na luga di declara hobennan, cu ta mira Aruba manera nan cas, cu ta domina Papiamento perfectamente y ta stima Aruba, personanan ilegal y haci tur esfuerso pa expulsanan, manera otro gobernantenan a haci den pasado, Gabinete Mike Eman II a habri man pa inclui e grupo di hobennan aki.

Como un persona cu ta kere firmemente den igualdad, inclusion y zero discriminacion, mi ta elogia Gabinete Eman II cu e bunita proyecto aki. Derechonan humano, manera e derecho basico riba siguridad di por ta parti di y di por crece den e comunidad cu bo a lanta den, sin miedo di wordo exclui of discrimina, ta conta mas ainda pa mucha y hoben. Un mucha of hoben menor di edad por wordo exclui of biba den insiguridad pa motibo di (falta di) cierto accion di mayornan of motibonan administrativo di un pais.

E futuro ta di nan y nos como adulto mester duna nan e oportunidad pa desaroyonan mes completamente. Pabien y danki, sr. Sevinger y Eman pa e proyecto Dreamers.

You May Also Like

Bishita di lider di MEP den Simon Antonio tabata exitoso

Fin di siman cu a pasa, lider di MEP, sra Evelyn Wever-Croes, hunto cu ...

Angustia y inconformidad den comunidad pa cu Parlamento di Aruba

  –Algun siman pasa tabata sumamente lamentabel y penoso pa wak e nivel di ...

MEP ta sostene ley pa paga ex trahadonan di SETAR

Diaranson den Parlamento, 5 ley a wordo trata. Entre nan, e Ley cu ta ...