Secretario di Estado di Puerto Rico , Elmer Roman, a urgi e refugiadonan na varios municipio di sur di e isla pa nan move bay e campamentonan a cargo di Guardia Nacional di Puerto Rico.

Te awor ta trata di 8,023 persona cu tabata aloha na refugionan administra pa gobierno central, municipio y organisacionnan no gubernamental.

E campamentonan cu a cuminsa ofrece servicio awor ta localisa na Pista Atletico Heriberto Cruz, na Guanica, y na Estadio Municipal Mario “Ñato” Ramirez, na Yauco.

Tabata spera cu por habri pa e siman aki caba e campamentonan di base na Pista Atletico Lucas Sievens, na Guayanilla, na Estadio Francisco “Paquito” Montaner, na Ponce, y na Pista Atletico Glidden Feliciano, na Peñuelas.

“Esaki ta e luganan unda lo por duna tur servicio di gobierno, nos ta urgi boso pa move di e refugionan informal,” a comunica.

E campamentonan di base ta ofrece servicio medico, cuminda tres biaha pa dia, servicio sanitario, area di desperdicio, area pa mascota y entretenimento pa adulto y menor. Tambe tin ducha pa e refugiadonan.

Puerto Rico ta ricibiendo ayudo tambe di e Agencia Federal di Maneho di Emergencia (FEMA), cu a entrega na gobierno local 5.000 cot, 55.000 cuminda, y 782.000 litro di awa. Tambe a asigna 30 mision na diferente agencia di gobierno federal.

Servicio Geologico di Estadonan Uni (USGS) a indica cu pa e siman aki tin un probabilidad di 8% di un sismo di mas di 6 punto. Mientras tanto ta sigui un probabilidad halto di temblor di 3 punto o mas.

LEAVE A REPLY

Please enter your comment!
Please enter your name here