Puerto Rico: Senado Mericano ta propone ayudo di $16.000 miyon pa e isla

Lidernan di Senado Mericano lo propone garantisa den e proximo resolucion di presupuesto, un asignacion di emergencia pa Puerto Rico cu por ta alrededor di $16.000 miyon, incluyendo como $4.800 miyon na fondo di Medicaid y $2.000 miyon pa reconstrui e red electrico.

E informacion, cu algun variante, a bin di fuente republicano den Senado y di gobierno di Ricardo Rosselló. Nan ta coincidi den indica cu congreso lo ofrece e isla un asignacion cu ta permiti pone proyecto di reconstruccion cana pa e isla, despues di e catastrofe causa pa horcan Maria.

E fondonan di Medicaid lo ser otorga pa e proximo dos aña, como un asignacion special di emergencia den cual lo duna e isla pleno acceso temporal na e programa ey, manera a haci na Louisiana despues di horcan Katrina.

E asignacion di emergencia di Medicaid lo ta alcansa  $4.900 miyon pa dos aña y lo inclui US Virgin Islands, cu por obtene cerca di 3% di e fondonan aki.

Hunto cu e fondonan di Medicaid ta asigna $11.000 miyon di forma directo na e isla pa e programa di desaroyo comunitario di e departamento di vivienda federal, conoci como CDBG. Di e fondo aki lo sali e $2.000 miyon pa e red electrico.

E acuerdo, segun e fuente republicano, ta mantene e restriccionnan unda e Hunta di Supervision Fiscal di congreso ta encarga cu financia publico di Puerto Rico y lo certifica e plannan di recuperacion y e asignacionnan na e Isla.

Poco prome, e senador republicano Marco Rubio (Florida), a anuncia bon noticia pa Puerto Rico y Florida. “Excelente progreso awe tocante e asistencia pa desastre pa Florida y Puerto Rico. Confia cu e liderato democrata den Senado lo firma tambe,” Rubio a indica den un tweet.

Algun dia pasa, e senador democrata Bill Nelson (Florida) a reclama cu mester inclui den cualkier resolucion, un asignacion nobo di Medicaid pa Puerto Rico y fondo pa financia e reconstruccion di e red electrico.

 

You May Also Like

Honduras: presidente Hernandez vencedor den eleccion presidencial

Cu un margen chikito na su fabor den porcentahe di voto: 42.98% contra 41.39% ...

Pago di Odebrecht confirma den campaña electoral na Panama

Joao Santana y su casa Monica Moura a yega na husticia federal na Curitiba, ...

Merca ta exigi Colombia pa detene produccion di cocaina

Vice-presidente di Merca Mike Pence a exigi Juan Manuel Santos, presidente di Colombia, pa ...

Militarnan Venezolano tras di contrabanda di mineralnan strategico

E denuncia di gobierno di Nicolás Maduro di e contrabanda di mineralnan strategico pa ...

Banda a horta varios miyon dollar y un polis a muri

Corantnan ABC y Ultima Hora a informa cu e criminalnan cu a participa den ...

Caribe: Reino Uni ta obliga Caribe Britanico mantene registro di ‘beneficial owner’

E teritorionan di ultramar Britanico (British Overseas Territories;BOT) lo ser obliga di haci e ...