Puerto Rico: Trump por kita placa di PR pa traha muraya na frontera

Te na e momento aki Cas Blanco no a notifica gobierno di Puerto Rico tocante plannan pa kita fondo inicialmente destina na mitiga e consecuencianan di e desaster causa pa horcan Maria na september 2017.

Sin embargo, gobernador Ricardo Rossello ta mantene su intencion di usa e caminda hudicial si presidente Trump, cu of sin declaracion di emergencia, mester dicidi di kita fondo priminti na e Cuerpo di Ingeniero di Ehercito di Estadonan Uni, pa financia parti di un muraya na frontera cu Mexico.

“E sufrimento di esnan cu a perde tur cos no mester ser usa pa financia un promesa politico di Donald Trump. E Puertorriqueño y tur Americano afecta pa e desastrenan ey merece cu ta atende nan necesidadnan,” e director di Administracion di Asunto Federal di Puerto Rico (Prfaa), Carlos Mercader, a declara.

Riba pregunta cu si ya Cas Blanco a bisa algo al respecto, Mercader a bisa cu esey no a sucede, pero “manera gobernador Rossello ya a indica, si esaki ta e proceder di Cas Blanco, nos lo usa tur mecanismo legal cu tin pa sigura y protege e fondonan ey, y cu ta respeta e intencion legislativo.” “Nos no lo permiti cu ta usa nos como bala politico,” Mercader a afirma.

Mientras tanto na Washington tin algun señal di un acuerdo entre e lidernan Democrata y Republicano den Congreso, cu no lo duna Trump tur loke e ta desea pa traha e muraya. E sugerencia menciona ta cu e presidente lo tuma fondo extra cu tabata destina pa otro meta, den un orden ehecutivo, y si ta necesario, declarando un emergencia nacional. E fondonan destina na combati efecto di e desastrenan na e.o. Puerto Rico y California, lo por ta na bista den esaki.

 

You May Also Like

Refeneria ISLA di Curacao ta na candela

E refeneria di Curacao mihor conoci como ISLA a lanta awe mainta cu un ...

Vlam berde a cende contra scandal di Odebrecht

Diadomingo movemento social Dominicano “Marcha Verde” a cende un antorcha como un simbolo di e ...

Indigenanan ta denuncia invasion y menasa di grupo paramilitar

Autoridad indigena di pueblo di Sierra Nevada di Santa Marta, Colombia, a denuncia un atake ...

Video ta revela pago di 4 miyon dollar na campaña di presidente Peña Nieto

(Univision) Ciudad di Mexico – Luis Alberto De Meneses Weyll, ex-director di e empresa ...

Forsa chavista a ataca y horta Henrique Capriles

Agente di Guardia Nacional Bolivariano (GNB) a ataca y horta  di Henrique Capriles, durante ...

A Rechasa medida hudicial den caso di funcionario di Bolivia

Corte supremo di husticia di Chile a rechasa e medida di amparo cu e ...