Venezuela: China ta papia cu Guaido

China a mantene conversacion cu oposicion politico di Venezuela pa salvaguardia nan inversionnan den e situacion problematico na e pais Suramericano, segun cu e presion riba regimen di Nicolas Maduro ta hayando mas presion, y pa ken China ta un aliado vital.

E diplomaticonan Chies, preocupa pa futuro di nan proyectonan petrolero na Venezuela y e casi $ 20 biyon cu Caracas debe Beijing, a tene negociacion di debe na Washington den ultimo simannan cu representante di Guaido, cu ta lidera e esfuersonan respalda pa Merca, pa expulsa Maduro, segun personanan na altura di e negociacion.

“China ta reconoce e riesgo creciente di un cambio di regimen y no kier ta na e banda malo di un regimen nobo,” R. Evan Ellis, un experto den relacion Chines na America Latino den e Scol di Guera di Ehercito di Merca, a conta. “Si nan ta prefera stabilidad, nan ta comprende cu nan tin cu pone webo den un otro macuto.”

Ora a consulta ministerio di relacion exterior di China riba e rumor di e conversacionnan, den un reunión informativo dia 1 di februari, e vocero Geng Shuang a bisa cu Beijing “tabata den estrecho comunicacion cu tur e partinan di diferente manera tocante e situacion na Venezuela.”

“No ta importa con e situacion lo evoluciona,” Geng a bisa, “e cooperacion entre China y Venezuela no mester sufri.”

Guaido recientemente a extende un man caba den direccion di Rusia y China. E lider di Asamblea Nacional a declara cu e cambio politico mester bin pa yega na reforma economico cu por restablece stabilidad.

Venezuela, cu tin e reservanan mas grandi di petroleo na mundo, mester mantene lazonan cu China, e importador mas grandi di petroleo na mundo, Guaido a bisa.

 

You May Also Like

Huelga na Avianca leu di un solucion ainda

E huelga di 730 piloto di Avianca, cu ta mantene mita di su operacion ...

Spaña a detene 30 container cu carni for di Brasil

Spaña a mobilisa preventivamente pa analisa 30 container di carni cu a yega for ...

Hefe OEA a pidi suspension di Venezuela si no tin eleccion

Secretario general di organisacion di Estado Mericano, Luis Almagro, a haci un yamado diamars pa ...

sangura

18 persona a muri den epidemia di dengue na Peru

Te cu diahuebs, 18 persona a muri na Peru den un epidemia di dengue, ...

Cartagena: Cinco edificio di 30 piso ta daña bista riba patrimonio cultural

Un grupo di shete compania ta construyendo un set di cinco edificio di mas ...

Mucha di 12 aña a cana 5 ora pa evita keda recluta pa grupo terorista

Polis di Tibu, situa na departamento Norte de Santander – Colombia a haya banda ...