(ElNuevoDia) – E restriccionnan nobo di Departamento di Salud a provoca e cancelacion di e parada di siete di e dies crucero cu lo mester a yega Puerto Rico entre dialuna y diabierna di e siman aki, segun datonan di Autoridad di Puerto.
Segun e agencia, mayoria di cancelacionnan a bini di e liña di crucero Celebrity, cu tabatin planifica yega tres biaha na e pier di San Juan. Por ehempel, e crucero Celebrity Edge mester a yega e isla diamars, mientras cu e embarcacionnan Millenium y Celebrity Reflection mester a yega awe diahuebs.
E compania Carnival Cruise Line a cancela tambe e parada di e crucero Carnival Magic, programa pa yega e pier di San Juan diabierna. Otro di e liñanan cu a cancela su parada na Puerto Rico tabata Regent Seven Seas Cruises, cu su crucero Seven Seas Splendor cu mester a yega awe na e pier di e capital.
E lista completo di Royal Caribbean, manera nan a anticipa na El Nuevo Dia cuminsamento di siman aki, a suspende tur nan paradanan na Puerto Rico door cu nan no ta di acuerdo cu e restriccionnan di Salud.
E crucero Symphony of the Seas, considera esun mas grandi na mundo, tabata programa pa yega pier di San Juan dialuna ultimo, mientras cu e crucero Odyssey of the Seas di Royal Caribbean, lo mester a yega awe.
Royal Caribbean ta opera e crucero Explorer of the Seas na San Juan manera Puerto base y te cu e momentonan aki su schedule ta continua sin ningun cambio.
E Aliansa Turistico di Puerto Rico a informa diamars cu e cancelacionnan di e cruceronan a aumenta na 11, locual por wordo traduci den un perdida di cerca di 12 miyon di dollar pa Puerto Rico.
