Putin ta adverti Merca severamente

RUSIA – E president Ruso, Vladimir Putin a adverti Merca tocante lansamento di misil na Europa. El a bisa diaranson cu lo lansa armanan nobo cu lo tuma poco tempo pa alcansa nan obhetivo.

E no a laga sa cual arma specificamente por sali for di Moscow, pero su declaracion a lanta mas tension cerca Washington. E ta acusa Merca di bandona un pacto clave di control di arma, pa libera nan man pa construi misil nobo y pa trata di pasa culpa di e cambio pa Rusia.

President Putin a afirma cu Rusia no lo ta e prome pais pa lansa misil, pero ta adverti cu lo tuma accion lihe si Merca ta pone arma na Europa. “Lo tuma solamente 10 – 12 minuut pa yega Moscow, e ta un menasa hopi grave pa nos, y nos tin cu contesta”, el a bisa, sin menciona directamente Merca.

Rusia lo mustra obliga pa crea arma nobo, segun president Putin, cu no solamente no lo wordo uza contra teritorionan cu ta nifica un menasa directo, sino tambe teritorio unda centro di tuma decision lo dirigi na sistema unda ‘nan ta menasa nos’.

Putin a bisa funcionarionan di Merca pa tende cuenta cu ‘alcanse y velocidad di nos arma prome cu tuma decision den menasa Rusia’. El a afirma cu ainda Rusia kier relacion di amistad cu Washington, y ta sigui habri pa combersacion di control di arma. “Nos no kier confrontacion cu un pais cu poder global manera Merca”, president Putin a bisa, pero na mesun momento a critica e politica ‘destructivo’ di Merca pa ataca Rusia cu sancion.

You May Also Like

Advertencia final di Trump pa N. Korea?

Presidente Mericano Donald Trump a bisa cu esfuersonan diplomatico cu Noord Korea a fracasa ...

Hoben ta mata mucha di 14 aña pa protege su ruman muhe

  Un hoben di 19 aña a wordo deteni den estado di Kentucky, Louisville ...

volkswagen.jpg

Volkswagen: recall 8.5 miyon total na Europa

Despues e noticia awe mainta cu Alemania ta obliga Volkswagen pa retracta 2.4 vehiculo, ...

Amsterdam: Soldaatnan retira pa ta miembro di gang di motociclista ilegal

Un man yen di soldaatnan, kende ta miembro di un gang di motociclista, a ...

Turkia: Periodista condena pa participa den investigacion Paradise Papers

E periodista Turco, Pelin Ünker, a ser sentencia ayera pa un tribunal di Istanbul na un condena ...

Video: Polis ta mata su ex y despues tira su mes na pia di trabao

Camara di siguridad publica por medio di autoridadnan na Florida ta mustra un deputado ...