‘Adolescente no ta tende conseho di abstene’

ORANJESTAD – Hende ta puntra dicon hoben no ta scucha e conseho di abstene den e parti di uzo di droga. Mayornan ta puntra kico por haci, y con por educa nan mes pa conseha un adolescente un manera mas efectivo.

Den un encuesta pa mayornan, mayoria ta bisa cu ta conseha nan yiunan pa no uza, pero esaki no ta pone cu e hoben cu mester di mas splicacion y yudansa. “No ta solamente na Aruba, pero mundo henter tin e mesun problema, cu mayoria di hoben ta atende scol ta purba droga ilegal of ta bebe alcohol”, un mayor ta bisa.

Segun estudio ta splica pa por compronde e uzo di droga bou di adolescentenan ta necesario pa compronde e contexto den cua e ta crece. “Alcohol, tabaco, cafeina y remedi receta tin tur caminda”, sr. Wauben di ILA foundation ta splica. E ta bisa cu a pesar cu ta exigi hubentud pa ta liber di droga, e ta wordo bombardea cu mensahe pa medica ‘nos mes cu cantidad di substancia’.

“Tin persona cu ta uza alcohol pa celebra, cafeina pa boost cu energia. Droga cu ta riba receta pa kita nos depresion cu por yuda nos traha, studia y drumi”, Wauben ta remarca. Adolescente di awendia por presencia directo y tin biaha forsa e aumento di medicamento pa concentra miho. Propaganda pa remedi combati ansiedad y esunnan cu ta wak nan mayornan uza ‘pildonan anti- depresion’.

Locual e ta continua splica cu hende ta kere cu presion social ta pone adolescente uza droga, pero e uzo di droga ta simplemente un ‘refleho di sociedad’. Strategianan cu ta wordo splica awendia di prevencion no ta funciona.

Un cantidad di metodo for di tactica di crea miedo via tecnica di resistencia ta e maneho di cero tolerancia, y cu test di droga a keda uza pa persuadi y obliga hoben pa abstene, en bes di uza tecnica nobo y sofistica cu ta enfatisa tuma bon decision.

Ta haci lo posibel pa stop e adolescente pa experimenta cu droga riba mensahenan di prevencion, pero ta importante pa ‘haci diferencia entre uzo y abuso’. Agregando cu tin hende ta uza tur dos termino den otro. Ta exagera e definicion di cualkier uzo di droga ilegal ta wordo considera como abuso.

E hoben ta ripara cu e mensahe ta hipocresia cu ta mira adultonan ta haci distincion di abuso y uzo. “Muchanan ta siña mesora e diferencia di locual na ta wak, mayornan y otro adulto ta bebe alcohol sin abusa di dje.”

Diferencia di bebe un glas anochi cu cumind,a cu un persona cu ta bebe un boter mainta trempan, ta ehempel cu Boekhoudt a bisa. “Adolescente por ripara hasta ora mayornan a yega di uza droga ilegal na algun momento di nan bida, pero no abusa di dje.”

E panico ta drenta na e mayornan ora nan yiunan cuminsa uza alcohol y droga, cual por bay for di man. Pa e motibo aki mester sa e diferencia, sino ta perde credibilidad. “Cualkier substancia tin su riesgo, pero nos tin cu papia tocante alcohol y otro droga di manera adecua, y sa e diferencia di abuso y uzo.”

Segun investigacion ta bisa cu alcohol ta contene e riesgo mas grandi ‘pa nos hubentud’. “A duna mal informacion tocante marihuana, uzando miedo pa hoben abstene. Specialmente awo cu e movemento legalisa ta creciendo”, Wauben a bisa.

Sinembargo, Wauben ta bisa cu ta keda exagera cu peliger di marihuana den publicacion difundi. “A pesar cu e no ta hiba na un dependencia fisico severo, manera ta conoci cerca otro droga manera alcohol of heroine, un minoria cu ta uza ta haya psicologicamente dificil pa modera e uzo of stop.”

Agregando cu gran mayoria di esunnan cu ta experiencia dificultad cu marihuana tabata tin caba problema di salud mental previo, cu solamente ta wordo accentua pa cannabis. E por tin casonan di dependencia, manera hoben cu ta bay riba variedad di substancia y aspectonan social den nan bida, manera pobresa, famia disfuncional, violencia familiar den comunidad, falta di apoyo den sistema, hasta rebeldia di adolescente por contribui na conducta adictivo y manifesta den tal.

Pa locual ta e mayoria di esunnan cu ta uza marihuana ‘nunca ta purba un otro droga ilegal’. Investigacion ta bisa cu gran mayoria di adolescente cu a purba marihuana no a bira dependiente y tampoco ta uza riba base regular.

Mayoria di e conseho di bisa ‘no uza of no bisa nada’ ta dirigi riba e prevencion di uzo. E les ta caba despues di duna instruccion pa abstene. Ningun informacion ta wordo duna con pa evita problema of preveni abuso pa esunnan cu ta experimenta.

Pa locual ta trata e definicion, ta haya excitante pa tuma riesgo, no lo abstene completamente den purba alcohol, marihuana of otro droga. E mandato di solamente abstencion ta pone adultonan den un posicion cu nan no tin nada di bisa na e hobennan.

Adolescentenan lo haci nan mesun escogencia tocante alcohol marihuana y otro droga. “Si realmente nos kier minimisa abuso di droga y otro problema di droga bou di adolescente cu ta experimenta, nos mester di un otro strategia cu ta inclui educacion comprendibel, y uno cu ta pone siguridad na prome luga. Ningun droga, incluyendo marihuana, ta completamente sigur.”

E forma di crea un imagen di marihuana lo por bira e punto debil di e programa actual di prevencion di droga, pa motibo cu e ‘tin asina hopi exageracion y desinformacion cu ta contradeci e observacion y experiencia di e mesun hobennan’. “Como resultado, adolescente ta perde confiansa den nos mayor y educador cu ta conta nan”, Wauben a bisa.

 

You May Also Like

Mas cu 60 permiso otorga pa empresa establece na San Nicolas Zone

Minister di Economia, Richard Arends a bisa cu nan a cuminsa caba cu e ...

Richard Charles y Marva Groeneveldt: ‘Nos ta sinti cu nos ta haciendo algo positivo pa mucha’

ORANJESTAD – Soccer Education Center Aruba ta un organisacion cu a ser crea un ...

AZV no ta cubri revalidacion den exterior pa tempo largo

  AZV ta subraya cu nan ta cubri gastonan di pashent di accident cu ...

Comerciante Nahar haya morto den su cas

Diamars den oranan di anochi ambulance , brandweer y polis a presenta na un ...

caya grandi.jpg

‘Caya grandi por bira un explosion culinario y mas’

Segun Germille Geerman di Itza Pizza, un negoshi cu recien a establece su mes ...

Imeldahof

Imeldahof a sinti drasticamente cortamento den nan presupuesto

Directora di Imeldahof, sra. Natalia Hernandez a bisa cu como fundacion nan ta canando ...