Presidente Vladimir Putin a priminti di duna briyo na e gloria espacial Ruso door di duna mas fondo pa desaroya tecnologia di raket vanguardista.
Papiando durante su bishita ayera na e fabrica di raket Energomash, Putin a bisa cu gobierno lo ofrece mas placa pa desaroya mas raket, y crea mas incentivo pa trahadonan den industria espacial.
E bishita di Putin a yega riba Dia di Cosmonauta, un dia festivo marcando e aniversario di e vuelo di Yuri Gagarin dia 12 di april 1961, unda el a bira e prome ser humano den espacio.
E lider Ruso tambe a bisa cu Kremlin a aloca como $388 miyon pa construi e centro espacial nacional na Moscu, cu lo ta sede di oficialnan espacial y laboratorio di investigacion.
E industria espacial di Rusia recientemente a wordo mancha pa un cantidad di fayo di lansamento, cu a daña nan ‘niche’ den e mercado global pa lansamento di satelite comercial.
