Randolf Rene Kock a dicidi di join partido RED pa e eleccion 2021. Randolf tin 39 aña y ta bin di e bario di papilon cu ta den st cruz. Randolf a haya e oportunidad di studia na Hulanda y a studia pa docente di biologia y tambe a haya e oportunidad pa traha na un scol pa muchanan cu tabatin cu problema di conducta. Tur cos tabata bay bon na Hulanda , pero despues e amor pa bo pais ta yamabo y asina a dicidi di bin biba bek y traha na Aruba.

Na su yegada na Aruba e la solicita na EPB y a haya un trabao sin conta banda di esey e temporada ey a casa y a haya dos yiu cu su pareha. Segun Randolf Kock esaki ta un motibo cu a ponemi drenta den politica y scoge partido RED .

Segun Randolf un dia cu e tabata trahando e la ricibi un yamada na pia di trabao unda cu nan a bise cu nan ta mira kico e ta haciendo y a haci invitacion na su persona pa forma parti di e comision di digitalisacion di enseñansa. Na momento cu a acepta e reto aki y ta haci e trabao y durante cu ta haci e trabao a ripara cu por goberna di otro manera cu loke Aruba ta custumbra cu ne. Eherciendo e trabao pidi a ripara cu un ministerio tabata goberna di e forma aki y asina a haci mi persona mas curioso y a bay mas diep den e vision di RED.

Na momento cu a tuma nota di e vision ey por a ripara cu RED ta pionero den economia circular y e parti di digitalisacion y diversificacion di enseñansa. Na momento cu a descubri tur e partinan aki di partido RED a pone un luz cende y ponemi pensa cu ta esaki ta e partido cu mi ta pone mi confiansa den dje y cu ta haya mi sosten y cu mi ta bay cu ne. Segun Randolf esaki ta e partido cu mi por identifica mi mes cu ne y ta hopi importante cu durante di e periodo aki RED ta diversifica nos educacion. E ta dificil pa compronde , pero ta kere firmemente cu mester keda splica mas y mas pa e docente compronde cu diversificacion no kiermen cu bo ta bay perde bo trabao. Sinembargo esaki kiermen cu e maestro/ maestra lo haya un rol mas importante.

Segun Randolf Kock den e investigacionnan cu tabata haci, un maestro di eerste klas a acerca su persona y a bisa cu e tin 42 toets pa kijk na pa alumno pa trimester y e tin un cantidad di 26 mucha den su klas. Esaki ta un situacion hopi dificil y preta pa e docente unda cu henter dia por bisa cu e ta man yen ta kijk na y su trabao mes cu e mester haci ta keda atras. Esaki ta e shift cu partido RED y minister di enseñansa Rudy Lampe a trece den educacion pero no por haci cambio dibiaha , pero stap pa stap mester haci cambio pa por logra final cu e mucha ta esun cu ta bay beneficia di esaki.

Candidato nobo di partido RED ta kere cu ta hopi importante pa tur hende cu ta eyfo no lubida di bay vota. E voto ta hopi importante pa continuacion di loke partido RED a cuminsa cu ne. Sinembargo esunnan cu no bay Vota mester ta consciente cu nan a vota tog paso e ta bay pa otro partidonan cu ta esunnan mas grandi unda nan ta haya e restzetel pa nan. Randolf Kock di partido RED ta conseha pa bay vota debi cu bo voto ta un arma poderoso.