(AP) – Rapper gañado di Grammy Kendrick Lamar a asombra riba escenario na Sur Africa como acto principal na un festival di musica durante fin di siman.
Lamar a conta e audiencia na Hey Neighbor Festival cu su album di aña 2015 To Pimp a Butterfly tabata inspira pa su prome bishita na Sur Africa. “E tabata aña 2014 ora cu mi a bin Sur Africa pa prome biaha y esaki a inspira un album en particular, un di mi albumnan preferi,” el a expresa. Lamar tambe a presenta na e capital di Rwanda, Kigali. “E no ta solamente musica, e ta poesia,” bishitante di e festival Tshepo Sedikwe a bisa di e rapper.
E festival tambe tabatin presentacion di cantante ganadora di Grammy H.E.R y nominado pa Grammy Khalid.
E organisadornan a bisa cu nan ta spera cu e festival lo bira un di e mas grandi den e continente Africano y uno unda e actonan internacional ta comparti escenario conhuntamente cu e musiconan local talentoso. E festival a provee un plataforma pa artistanan kende a avansa den nan carera cu e popularidad di Amapiano y Afrobeats.
Artistanan di amapiano Sur Africano manera Musa Keys y Tyla, kendenan ambos a ricibi nominacion pa Best African Music Performance Category pa Grammys di aña 2024 tambe a presenta na e festival.
