Recientemente a traves di un post riba nan blog, e fundacion Raspberry Pi a duna un update riba su colaboracion cu Aruba y Hulanda. E fundacion ta partner cu organisacionnan educativo rond mundo pa trece actividadnan di coding pa hoben den nan region a traves di Code Club y CoderDojo.
Actualmente involucrando 52 organisacion na 41 pais, e red aki di Global Clubs Partner ta comparti un pasion pa empodera muchanan pa crea cu tecnologia. Segun e blog, un aspecto clave di con ta reforsa e red di Global Clubs Partner ta door di promove conexion entre e partnernan. Esaki ta un motibo pakico tin reunionnan online regularmente y eventonan regional presencial, y ta conecta partnernan one-on-one pa facilita intercambio di informacion. Den e post aki, nan a resalta storianan di organisacionnan partner cu a beneficia di traha cu otro, incluyendo Aruba.
Na maart 2023, e fundacion a tene su prome Clubs Conference pa educador- y boluntarionan involucra den Code Club y CoderDojo. Ya cu e evento aki a tuma lugar na Cambridge, Reino Uni, mayoria di esnan presente tabata di Reino Uni y Republica di Irlanda, pero un cantidad chikito a bin di mas leu. Hopi mas leu, den algun caso.
Bruce Harms y su colega Thanya Croes (Full Stack Vision Foundation, Aruba) tabata atendiendo e Clubs Conference pa comparti nan trabao pa aumenta alfabetisacion digital na Aruba a traves di clubnan CoderDojo. Na un sesion special di e conferencia pa invitadonan internacional, nan a conecta cu Sanneke van der Meer y Marloes van der Meulen (CoderDojo Netherlands), kende tambe tabata presentando como parti di e sesion.
Despues di e Clubs Conference, e dos organisacion a keda den contacto. Despues durante aña, Bruce y Thanya a atende e DojoCon Netherlands 2023 na Den Haag. “Tabata un dia tremendo cu bon tayer y hopi otro Campeon di CoderDojo,” Bruce a bisa. E y Thanya tin plan pa invita CoderDojo Netherlands su team pa Aruba, y ta spera pa colabora den proyectonan hunto den futuro.
