A pair of blindfolded and hobbled mountain goats, including a billy, right, and a nanny, are cradled by workers in the back of a truck after being airlifted by helicopter Tuesday, July 9, 2019, to Hurricane Ridge in the Olympic National Park, near Port Angeles, Wash. For the second straight summer, mountain goats are flying in Olympic National Park. Officials this week began rounding up the sure-footed but nonnative mammals from remote, rugged parts of the park so they can be relocated into the Cascade Mountains, where they do belong. (AP Photo/Elaine Thompson)

Pa di dos berano consecutivo, cabrito ta bula na parke nacional Olympic. Oficialnan e siman aki a cuminsa e animalnan for di partinan remoto den e parke, unda hende a introduci nan den añanan 1960, pa muda nan na e Cascade Mountains, unda nan ta pertenece.

Specialistanan di captura animal, conoci como ‘gunners’ of ‘muggers’, ta uza sedante den un dart of captura nan den red, tapa nan wowo y nan cacho, y bula nan – riba sling colgando di un helicopter – na un area separa, unda veterinarionan ta revisa nan salud, y pone banchi cu tracking prome cu manda nan den truck na e Cascades y un biaha mas bula cu helicopter, e biaha aki na nan habitat alpino nobo.

E mudansa a cuminsa aña pasa, despues di añanan di traha plan y comentario publico, cu 115 di e como 725 cabrito di montaña den Olympic mudando pa Cascades.

Oficialnan a captura 17 cabrito dialuna y diamars na e cuminsamento di un periodo di dos siman di mudamento di cabrito, incluyendo un cabritonchi di como 6 siman di edad, kende a sinta paden di e helicopter riba scochi di un mugger na luga di bay den e sling.

Na Olympic no tin hopi salo, locual ta haci mas probabel cu e cabrito lo ser atrai na e sodo, orina y cuminda di hende cu ta cana den e parke, poniendo e personanan den peliger. Na 2010, un cabrito a herida un persona fatalmente.

Un coalicion di agencianan estatal y federal, y tribunan nativo Americano ta tras di e esfuerso, cu ta inclui cera parti di e parke, incluyendo Seven Lakes Basin y Klahhane Ridge. A planea un segundo periodo di dos siman na augustus.

A otorga contract pa captura di e cabritonan na Leading Edge Aviation, un compania cu ta specialisa den captura y relocacion animal.

Departamento di Pisca y Bida Salvahe di Washington tin plan pa libera e cabritonan na seis sitio den e Cascades. Esaki ta inclui area di Chikamin den e boske nacional Okanogan-Wenatchee, Preacher Mountain den e boske nacional Mount Baker-Snoqualmie, Hardscrabble Ridge, y e cumbre montañoso sur di Darrington.

Rich Harris, e biologo di e Departamento di Pisca y Bida Salvahe di Washington liderando e trabou di e agencia pa muda e cabritonan, a bisa The Seattle Times e luna aki cu di esunnan cu a muda aña pasa, como 65 di 70 a sobrevivi winter. Mita di e mekinan cu a muda a sobrevivi, el a bisa.

 

LEAVE A REPLY

Please enter your comment!
Please enter your name here