Real Piedra Plat no ta competi den division di Honor mas

Na prome lugar Real Piedra Plat kier a gradici un y tur cu a coopera y traha hunto cu Real Piedra Plat den e ultimo dos temporadanan aki. Apesar cu Real Piedra Plat a wordo funda añanan prome den e seccion di Lifida.

E meta principal di a funda Real Piedra Plat tabata pa duna mas mucha e oportunidad pa practica e deporte di futbol den e seccion di Lifida cual pa varios aña a tuma lugar y a cumpli cu e meta ey den diferente division di Lifida. Mas despues a nace e pensamento pa motibo cu no tin Reserve Klasse pa cuminsa cu un team nobo cu lo hunga den division dos cu e intencion di duna e muchanan jong cu no por hunga Junioren mas y cu no ta cla ainda pa hunga denhoofdklas e oportunidad di sigi hunga y practica futbol.

Tambe pa duna e hungadornan cu no por sigi den hoofdklas y no ta alcansa e edad di hunga Veterano e mes un oportunidad di sigi hunga futbol. Pero den un tempo relativamente corto Real Pieda Plat a titula campeon di division DOS y e aña siquiente titula campeon di division UNO y consequentemente a promove pa division Honor. Nos ta kere cu mester re-intrudici e division di Reserve Klasse cu e meta di duna un grupo grandi di hungador e oportunidad di sigi hunga futbol y cu na cualkier momento durante campeonato por wordo yama pa hunga den hoofdklas, division Un of division Dos. E intencion nunca notabata di bai competi den division di Honor di nos futbol.

Pa tal motibo nos di Real Piedra Plat division di Honor a dicidi di trek terug y asina duna otro team e oportunidad disi bai competi den division di Honor.

Ta importante pa informa cu Real Piedra Plat ta keda existi como miembro di AVB y como organisacion deportivo y nos lo bai sigi concentra mas ariba e mucahnan chikito cu merese mas oportunidad di practica y hunga futbol. Danki un biaha mas na un y tur y cu e deporte Rey futbol keda progresa na Aruba.

You May Also Like

Resultado di Campeonato Himno y Bandera di Landamento Artistico

ORANJESTAD – Durante fin di siman a tuma luga e Campeonato Annual di Himno ...

Little League Softball a sali cu delegacion femenino pa Guayama, Puerto Rico

Diadomingo e seleccion femenino di softball Little League a sali pa Guayama, Puerto Rico ...

Lotto di Aruba a yama atletanan di Taekwondo bon bini

Recientemente e atletanan di Taekwondo a regresa di un torneo na Surinam. E aña ...

Delegacion di amazona lo competi den e Spectrum International na Miami

E Spectrum International ta un di e competencia nan di mas grandi di Paso ...

Rumannan Chiara y Sophia ganadornan di Copa Hubenil Gobernador Felipe B. Tromp

Diabierna dia 27 di april proximo, Dia di Rey, Gobernador Alfonso Boekhoudt lo entrega ...

Stingray Swimming campeon di e XIII Stingray Challenge

ORANJESTAD – Durante e fin di siman di 5, 6, y 7 di april ...