Mervin Wyatt-Ras, presidente di parlamento

President di Parlamento Drs. Mervin Wyatt-Ras a informa cu awe trabou di Parlamento ta sigui normal despues di reces.

Dia 10 di juli ultimo, e reces anual di parlamento a cuminsa. Durante e periodo aki a probecha pa haci trabounan di mantencion necesario, entre otro a reemplasa e sistema di airco y parti di e tapijt. Segun President di Parlamento, esaki tabata posibel como cu a resta placa di presupuesto di Parlamento na fin di 2016. Tambe el a bisa cu tabatin discusion tocante e suma disponibel pa Parlamento entre ex vice President y ex President di Parlamento. Wyatt-Ras tabata sorprendi ora a resulta fin di aña cu hasta a resta placa.

E placa awor a ser bon gasta y a bay pa e sistema di airco. Wyatt-Ras ta gradici personal di parlamento pa e sosten y pasenshi durante e trabounan. Diahuebs lo bay schedule diferente reunionnan pa trata leynan cu a drenta Parlamento, entre otro esun di FDA, reglamentacion pa deurwaarder y intrekking di diferente ley bieu.