Ta trata aki di dos hoben di 17 aña sospechoso di asesinato na flamboyantstraat diabierna madruga ultimo. Aruba a lanta den shock di e tristo noticia cu na flamboyantstraat un persona a keda encontra morto. Pa 5 or di mainta dokter Texsier a constata morto di un hoben femenino.
Relaciona cu e mes un caso aki e prome detencion a cay den oranan di mainta di un hoben di 17 aña di fam P . Den oranan di atardi na Yaraweg unda cu e entrada hudicial a tuma luga e di dos detencion a tuma luga tambe di un hoben di 17 aña di fam C. Recherche di San Nicolas (DAR3) hunto cu Atraco Team cu tambe a keda envolvi den e caso aki pa cu e investigacion a haci un entrada hudicial pa busca evidencia cu den e caso aki e arma cu a keda uza na Flamboyantstraat
Tanto Recherche di San Nicolas (DAR3) y Atraco Team a listra e cas completo paden y pafo unda cu e dicho arma cu a keda uza den e caso di mainta tempran, si lo por ta na e dicho adres. Por a tuma nota cu polisnan a rondia den auto, cas y tambe den cura.
Recherche nan ta riba pia for di madruga pa asina resolve e caso lamentabel aki. Sinembargo esaki ta e di 4 asesinato cu e departamento di recherche ta investiga y ta mira luz na horizonte pronto unda cu e caso lo keda resolvi tambe. E investigacion ta riba bon caminda y por spera mas detencion den e caso aki.
importante ta pa por haya e arma di candela pa asina por resolve e caso aki completo mas pronto cu ta posibel. Den un caso asina importante e departamento tecnico di cuerpo policial ta hunga un rol hopi importante tambe. E bario tambe ta hunga un rol den e caso aki y cada informacion cu drenta via di e tipline 11141 polis lo traha cu ne pa asina resolve e caso mas pronto cu ta posibel. Conseho ta keda pa esunnan cu ta envolvi y of cu tin e arma pa entrega esaki mas pronto cu ta posibel den man di autoridad.
