Reconstruccion (1).JPG

Dialuna mainta a tuma luga e reconstruccion di e caso di homicidio di director di Serlimar Sr. Richard Fingal na Piedra Plat. Segun Ministerio Publico, e caso ta bay dilanti di hues pro forma den cuminsamento di december.

 

E reconstruccion a cuminsa den e edificio caminda unda e homicidio a tuma luga dia 18 di juli. E reconstruccion di e crimen a dura casi tres ora cu e presencia di hues comisario, fiscal y abogado. E dama di nacionalidad Chines di inicial M.T. cu ainda ta keda e unico sospechoso den e caso aki tambe tabata presente cu su mannan den boei y compaña pa su abogado Chris Lejuez. Recherche a haci grabacion y anotacion necesario anto segun sr. Lejuez, despues nan ta ricibi e proces-verbaal.

 

Reconstruccion intensivo

Vocero di Ministerio Publico ta conta: ”E reconstruccion tabata hopi intensivo pero e sospechoso a coopera bon.” E investigacion ta sigui anto ainda falta algun cos. Mas tanto segun Ministerio Publico, ta investigacion tecnico ta andando ainda. Pues ainda no por bisa si e ta bay bira un caso di defensa propio of premedita pasobra segun declaracion di e sospechoso mes, sr. Fingal lo kier a abusa e sospechoso sexualmente.

 

Shock nacional

E caso aki a causa un shock den comunidad unda cu na prome instante no tabata sigur si tabata trata di un atraco y of nan a tira of hinca e persona. Segun declaracion di e dama Chines, esaki tabata un asalto sexual unda e dama a purba di defende su mes. Durante esaki sr. Fingal tambe a purba di dal e dama cu un martiu y e dama a coy un cuchiu grandi pa ‘defende su mes’ y asina causando morto di sr. Fingal. E dama Chines ta cera ainda anto Ministerio Publico no tin ningun pista nobo den e caso aki cu keto bay ta keda bao di investigacion profundo

LEAVE A REPLY

Please enter your comment!
Please enter your name here