Carlos Carrasco a gana su prome start desde su diagnostico di leukemia, Yoenis Cespedes a batia un home run den su retorno despues di lesion na su pia – y Daniel Bard tabatin e caminda bek di mas largo di tur.
E siman pasa aki obviamente tabata uno emocional pa hopi den baseball, y tabata specialmente significante pa hungadonan cu tabatin ausencianan largo hasta prome cu e coronavirus a shut down e deporte na maart. Bard no a pitch den liga mayor desde 2013, y despues cu su control y confiansa a bay lag’e, su careda di hungado tabata parce di a termina prome cu el a intenta un comeback e aña aki. El a logra subi roster di Colorado Rockies y a gana den relevo diasabra contra Texas.
Carrasco a ricibi diagnostico di leukemia aña pasa. E tabata back den e bullpen pa Cleveland na september y a subi e plato diadomingo como un starter, derotando Kansas City.
Cespedes no a hunga desde 2018 – el a ricibi cirugia na ambos pia y a kibra un enkel – pero e tabata bek diabierna, ‘homering’ pa New York Mets pa e unico careda di e wega contra Atlanta.
No tur comeback a bay asina bon. Shohei Ohtani a bolbe e plato pa pitch pa prome biaha desde 2018, pero e strea no a logra un out diadomingo den e perdida di Los Angeles Angels contra Oakland. Ohtani no a pitch ultimo temporada despues di su cirugia Tommy John.
Corey Kluber, intercambia for di Cleveland pa Texas den offseason, a termina su debut cu e Rangers diadomingo cu dolor di schouder. El a bay apenas un inning den locual tabata su prome start den casi 15 luna. Kluber a perde mayor parti di ultimo temporada cu un brasa kibra.
Distanciamento social?
Habitonan ta dificil pa cambia. Un di e preguntanan bayendo e temporada aki tabata con emocion di e wega lo ta afecta pa e falta di fanatico y e protocolnan di distanciamento social, diseña pa protege contra e virus. Con e escena lo ta na momento cu un hende batia un homerun pa gana un wega?
Matt Olson di Oakland a batia un grand slam den 10 inning pa termina e wega diabierna anochi contra e Angles, y e Athletics a bras’e den locual tabata mustra como un celebracion normal na e plato.
Manager di Pittsburgh, Derek Shelton tabata un tiki mas cauteloso diadomingo, ora el a sali pa discuti cu umpire di plato, Jordan Baker durante un wega contra St. Louis.
