Sophie Turner y Joe Jonas a haya nan prome yiu. E strea di ‘Game of Thrones’ di 24 aña di edad, y e cantante di 30 aña di edad a anuncia e nacemento ayera.

“Sophie Turner y Joe Jonas ta encanta di anuncia e nacemento di nan baby”, nan a bisa den un declaracion comparti pa e label di Jonas, Republic Records. E pareha tabata keto tocante e embaraso y no a duna mas detaye di e baby.

Turner, e actriz naci na Inglatera kende a interpreta Sansa Stark den ‘Game of Thrones’ durante ocho temporada, y Jonas, e musico naci na Arizona kende a bira famoso den un banda cu su rumannan homber riba Disney Channel, a cuminsa nan relacion na 2016 y a casa aña pasa.

Nan ta biba na Los Angeles, y e baby ta e prome yiu pa ambos.

LEAVE A REPLY

Please enter your comment!
Please enter your name here