Reina di rock and roll, Tina Turner awo ta un Barbie

(CNN) – Tina Turner, e cantante iconico conoci como e Reina di Rock and Roll, awo a keda inmortalisa cu un popchi Barbie den su honor.

E popchi tabata inspira pa e hit di Turner, ganador di premio Grammy, “What’s Love Got to Do With It”. E Barbie ta mustra e paña cu Turner a bisti den e video musical pa e cantica, bistiendo un mini-shimis preto, jacket di denim, renchi di horea y su cabey famoso.

E popchi di Tina Turner a wordo diseña pa celebra e carera sin igual di e cantante, segun un post di e cuenta oficial di Barbie riba Instagram.

Turner ta join otro muhenan pionero cu a keda honra cu Barbie, manera comerciante y filantropo Madame C.J. Walker, primatologo Jane Goodall, y actriz y activista di derecho transgenero, Laverne Cox.

“What’s Love Got to Do With It” a keda lansa na 1964. E cantica, di e di cinco album solo di Turner, a ricibi tres premio na e Grammys di 1985 y a wordo introduci den e Hall of Fame di Grammy na 2012.