(DiarioLibre) – Banco Central di Republica Dominicana (BCRD) a informa diadomingo cu Indicador Mensual di Actividad Economico (IMAE) ta mustra un variacion acumula den augustus di 2021, di 13% manteniendo e actividad cu ta registrando durante e aña aki.
Di manera particular, BCRD a indica cu na e luna di augustus a verifica un aumento di 11.7% compara cu e mesun luna di aña 2020.
El a splica cu e comportamento observa den e economia Dominicano ta sigui den liña cu e perspectivanan di crecemento di e PIB pa e ciere di e aña, cual ta apunta na un ritmo di expansion interanual di dos digito, dus 10% of mas, poniendo Republica Dominicana un biaha mas den e paisnan cu ta lidera e actividad economico di e region Latino Americano.
Asina mes, e Banco Central a detaya a traves di un comunicado cu e PIB nominal lo pasa di 78.829,00 miyon dollar na 2020 pa 91.561,3 miyon dollar den e mesun aña aki 2021, superando su nivel di prome cu e pandemia a cuminsa
Ora cu a analisa e detaye di comportamento di e economia januari-augustus 2021, e BCRD a indica cu e actividadnan cu a registra balornan di variacion positivo di su balor agrega real den terminonan interanual tabata; construccion cu un participacion di 32.4%, hotel-, bar- y restaurantnan cu 26.6%, industria di zonanan di comercio liber cu 26.3%, transport y deposito cu un participacion di 14.6%.
Ademas, e comunicado di e BCRD a indica cu e industria local tin un participacion di 12.4% y e comercio di 11.4% y explotacion di minanan di 9.2%.
Asina mes, energia y awa ta destaca cu un participacion di 3.9%, comunicacion 3.6% y otro servicionan 3.3%. E actividadnan di real estate y di huur tabatin un 2.5% y Agricola 2.1%.
