E informe di Defensa Civil di La Vega a informa di cinco morto den e accidente cu a registra diadomingo den oranan di anochi riba caretera na provincia Jarabacoa (centro di RD), ora un bus a perde control cu 70 pasahero a bordo.
En total tabatin 50 persona cu a resulta herida, tur di un ekipo di futbol di Haiti yama Sporting Football Club cu tabata biaha cu e bus.
Jacqueline Polonia, director di organismo di ayudo di e luga a bisa cu un di e biaheronan ta di nacionalidad Dominicano hunto cu e chauffeur, otro 15 persona no a sufri lesion.
Ekipo di rescate di Defensa Civil hunto cu Cuerpo di Bombero y su ekipo di trabou a informa cu cuater persona tabata atrapa den e bus y 16 a ser transporta pa hospital di traumatologia Profesor Juan Bosh.
Ademas a participa organismonan di emergencia cu ambulance y unidadnan di rescate di provincia di Santiago, Puerto Plata, Espaillat y Monseñor Nouel.
Un di e versionnan di e accidente ta bisa cu e chauffeur tabata core na un velocidad inapropia y tambe no tabata conta cu tire adecua.
