Venezuela: Guaido ta puntra militarnan kico nan ta warda

Presidente encarga di Venezuela, Juan Guaido, a puntra ayera na e militarnan di e pais “kico nan ta warda?” Esaki ripitiendo e solicitud pa nan stop di apoya Nicolas Maduro y a sigura cu ya tin mas di 700 militar cu a cambia di banda.

“Nos sa cu 80 % ta na fabor di e cambio, nos sa, nan a comunica cu nos, nan a papia cu nos,” e presidente di parlamento a declara dilanti un multitud di miles na Caracas, despues di su yegada di exterior.

Guaido a ripiti e yamada na e forsanan arma despues di su yegada di regreso di un gira na varios pais di e region. “Nan a menasa nos tur cu ta aki cu prizon, morto, y m ta bisa nan, nos ta a traves di persecucion, y no ta bay ta a traves di menasa cu nan ta bay para nos, ata nos aki mas fuerte cu nunca cu mirada pa futuro.”

El a comenta, dirigiendo su mes na e miembronan di Forsa Arma, cu a pesar di e menasanan aki, “tin hende no a cumpli, hopi no a cumpli” e ordennan cu supuestamente nan a duna nan di banda di gobierno.

El a reitera cu “e cadena di mando ta kibra pasobra e comandante hefe di Forsanan Arma ta deriva di voto popular y esun cu ta culpa funcion, pa mas cu e kier disfrasa cu un banda pasobra nos ta den carnaval, e no ta presidente, aki e presidente encarga di e Republica di Venezuela ta,” el a señala.

El a bisa e militarnan cu como hefe di parlamento y como presidente encarga, e ta “pidi, exigi, ordena” cu mester “detene definitivamente e colectivo y presonan cu a actua dia 23 di februari como brasa arma di Maduro y a reprimi e ciudadanonan cu e dia ey a pidi entrada di e ayudo humanitario na e pais.

 

You May Also Like

Panama ta extradita ex gobernador Mexicano Roberto Borge

Roberto Borge, ex gobernador di estado Mexicano Quintana Roo, a yega diahuebs na aeropuerto ...

Mexico: Gobernador di Puebla ta muri den accidente aereo

Direccion General di  Aeronautica Civil a forma un ekipo internacional cu lo ta encarga ...

Casi 100.000 caso di Chikungunya na estado Ceara, Brasil

Ceara, estado na noreste di Brasil, ya tin registra 136 morto a causa di ...

Mercosur a invita Venezuela pa garantisa ‘separacion di podernan’

E grupo di pais miembro di Mercosur a exhorta Venezuela pa garantisa e separacion ...

Mexico a rechasa di ta e di dos pais mas violento di mundo

Diahuebs gobierno di Mexico a rechasa cu nan ta e di dos pais mas ...

Mexico: Conocido ambientalista indigena asesina

Guadalupe Campanur Tapia, un defensor di e reserva forestal Mexicano y activista den asunto ...