(DiarioLibre) – Colegio Medico Dominicano (CMD) a indica diahuebs cu gobierno mester a warda un mayor nivel di vacunacion contra Covid-19, prome cu a elimina e toque de queda.

Te cu e fecha, 6.107.063 persona a ricibi un dosis di e vacuna contra Covid-19, di esakinan, 4.947.154 tin e segundo dosis y 989.151 tin e dosis di refuerso.

“Nos ta yamando e gobierno pa nan ta mas modera, na e momentonan aki, ayera tabatin 700 y pico caso… Ami lo a warda un mayor nivel di vacunacion”, presidente di CMD, Waldo Ariel Suero, a splica.

“Y stop, suspende e medida ey y wak e comportamento di e pandemia den e dianan aki y wak cu e ta subiendo”, el a bisa.

Di mesun manera el a indica cu autoridadnan mester a warda e inicio di e vacunacion contra Covid-19 di muchanan mayor di cinco aña prome cu nan a tuma e decision aki.

Suero a afirma cu e aumento di casonan na districtonan manera La Altagracia y Districto Nacional ta debi na e eliminacion di toque de queda algun dia atras.

Por lo tanto, el a recomenda e ciudadanonan pa continua cu e uso di tapa boca y e distanciamento fisico.

LEAVE A REPLY

Please enter your comment!
Please enter your name here