(DiarioLibre) – Ministerio di Hende Muhe a lansa e programa “Laboratorio di Innovacion pa Emprendedornan”, destina pa forma 500 muhe den habilidad- y competencianan pa nan por emprende cu e uso di tecnologia
E institucion a firma cu empresa Mexicano Oracle Caribe un acuerdo pa e empresa siña e damanan e uso di hermentnan pa desaroyo di idea di negoshi of emprendimento trempan usando hermentnan digital.
Daniela Morales, director di Innovacion Oracle pa region Caribe, a sigura cu e programa tin como meta pa inspira, motiva y forma muhenan di Republica Dominicana pa emprende y tin e hermentnan pa hacie di e miho forma. “Cu e programa aki nos ta impulsa emprendimento cu uso di tecnologia y solucionnan digital unda e muhenan ta lider y ta bay transforma nan bida y nan ambiente a traves di innovacion.”
E unico rekisito pa participa ta cu e participante mester ta un hende muhe, e mester kier implementa ideanan nobo di negoshi y gusta tecnologia.
E cursonan aki lo ofrece capacitacion online di emprendimento cu enfoke tecnologico, prototipo, marketing digital, con pa bende idea a traves di contamento di storia, tayernan y teoria di pensamento di diseño, innovacion y tecnologia 4.0.
Ademas ta bay usa solucionnan digital y hermentnan tecnologico pa potencia y amplia e negoshinan. Pa e ciere di e programa e participantenan lo mester expone nan idea di negoshi dilanti un hurado, di tal manera cu nan lo pone den practica locual nan a siña.
