(DiarioLibre) – Dominicanonan a bisa nan ultimo ayo na e Caballo Mayor, Johnny Ventura, diasabra anochi na e santana Cristo Redentor di Santo Domingo, na unda un multitud a atende.
E acto final tabata cortico y tabata como orador principal e ex-presidente Leonel Fernandez, ken tabata “amigo, ruman y compañe intimo”, di e tata di e merengue moderno.
“Lo bay tin hopi manera di recorda e gigante di arte aki, e lo mester wordo recorda ciertamente manera merenguero of como dirigente politico, den cualkier di e manifestacionnan, e ta evidente cu ta trata di un homber cu a supera, y cu a converti den simplemente den e simbolo Dominicano; no ta posibel compronde e existencia di Republica Dominicana sin wordo compaña di e nomber di Johnny Ventura”, Fernandez a expresa na e santana Cristo Redentor, ultimo luga di sosiego di e artista.
Fernandez a resalta e importancia internacional di Johnny Ventura, señalando cu su fayecimento a wordo menciona pa e corantnan principal na mundo, entre nan The New York Times, cu a describi e artista como e “Elvis Presley di Caribe”. El a bisa cu en realidad locual Johnny Ventura a haci tabata “revoluciona e merengue, incorporando ritmonan di rock and roll y haciendo e un manifestacion musical di alcance internacional”.
Asina mes el a bisa cu e Caballo Mayor a yuda cu su musica construi e identidad Dominicano.
Na e santana tabata ser scucha canticanan di mas di 100 reproduccion cu el a crea durante su 60 aña di carera musical. Den algun ocasion nan tabata canta den coro su nomber “Johnny, Johnny, Johnny”.
Pa su famia, su casa Nelly Josefina Flores (doña Fifa), a gradici e apoyo cu e pueblo Dominicano ricibi di parti di e pueblo Dominicano.
“Awe mi a keda sorprendi cu e apoyo cu e pueblo Dominicano a duna mi casa”, doña Fifa a bisa.
